Proveb 25:18 - Buka Blahi Ka Cheke Holo

¹⁸ Kate chaghi iagho eigna mae kheramu fofodu na, iagho jateula naflahi, ba gaju, ba jata eghu kolho.

Proveb 25:18 Iomraidhean Croise

Nodi Khoje Hatimare Mae Jiu 140:3

Foflodire jateula khe'i phanaga eghu. Uve, cheke te diꞌare jateula poesen te jifla ka foflogna u phanaga ia eghu.

Nodi Khoje Hatimare Mae Jiu 52:2

Iagho kaisei mae chaichaghi fara. Foflomu iagho na jateula kaisei bled te fnonu fara eghu goigoni ni fara keha naikno na ka narane te ghathoni teu iagho puhi te mala goigoni ni keha naikno na.

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Nodi Khoje Hatimare Mae Jiu 57:4

Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.

Eksodas 20:16

“Thosei vuavuha cheke ranghini ihei.

Proveb 12:18

Cheke te diꞌa na churu jateula naflahi fnonu eghu ka thiꞌadi naiknore. Nu cheke te keli na jateula meresin eghu toghodi naiknore.

Proveb 24:28

Iagho thosei cheke faparini mae kheramu te theome eni kaisei glepo te diꞌa na. Iagho thosei chaghini mana ka keha naiknore.

Proveb 25:17

Thosei tei koba ka sugagna mae kheramu na, eigna mana ginauna hongoni fara ka iagho.

Profet Jeremaea 9:3

Igne chekegna Lord: “Leuleghu fata na naikno igre jateula mae soldia te tarabana phaloho te mala fada falehe naikno ra eghu. Eghuteuna mare snakredi glapidire mala cheke chaichaghi jateula jata eghu. Naiknogna kantri igne theome cheke kate tutuani. Thono theo fara. Mare edi nafnata puhi te thono diꞌa fara igre, eghume mare theome tangomana te fatutuani ghau iara nodi God.

Profet Jeremaea 9:8

Glapidire jateula jata eghu fada falehedi kheradi thedire. Eghuteuna foflodire cheke famaemahe ka naiknore. Nu neuba, naikno igre ghaoghaho mala falehe naikno.

Jemes 3:6

Eghuteuna cheke te jifla mei ka foflogna naikno na jateula kaisei khaꞌaghi eghu, naugna tangomana te roꞌedi glepo te kelire. Neubane kaisei vido ikoi fara ngala ka thinida tahati na, u foflo ngala nafugna te mala jifla mei glepo te diꞌa na, eghuteuna tangomana te roꞌedi nakarhada fateo tahati re. Glepo te diꞌa igre tangomana te para ghita funu ka karhada na ghilei lehe tahati. Eghuteuna cheke te diꞌa igre neke mei funudi ka mae Satan.