Proveb 25:16 - Buka Blahi Ka Cheke Holo

¹⁶ Jame te filoni iagho jurukuli na, thosei ghamu fara, iagho ginauna luꞌa.

Proveb 25:16 Iomraidhean Croise

Proveb 23:8

Kate laseni iagho puhigna mae igne na, iagho ginauna roi luꞌani glepo teke ghamuhi iagho na. Eghuteuna nou famane cheke iagho ka mana ra theo nafudi kolho.

Proveb 25:17

Thosei tei koba ka sugagna mae kheramu na, eigna mana ginauna hongoni fara ka iagho.

Proveb 25:27

Theome keli te koꞌu suka fara iagho na, theome keli iagho te fafnakno nigho themu na.

Eklesiasti 7:16

Iagho thosei doglo fara ka gaoghathomu themu na, eghuteuna iagho thosei lalase fara ka gaoghathomu themu na. Naugna unha sagho te magnahaghei falehe nigho themu gnea?

Profet Isaia 7:15

Kate funu laseni mae sitei igne unha te keli na, nei unha te diꞌa na teuna, mana na ghamu jujurukuli nei milk eghu kolho. Ka narane tuana mana mae sitei ngau kolho.

Profet Isaia 7:22

Thilo glepo igre kolho nate hata milk mana tadire. Naugna iheire nate au faleghu teu ka namono igne na, mare ginauna theo ghedi gano. Nu mare ginauna au ghedi kmana milk te mala koꞌu na, nei jurukuli eghu, naugna theome kmana naikno te au ka glose igne na.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Efesus 5:18

Thosei koꞌu me dranga ka waen, naugna igne ginauna batu fadiꞌadi puhimi ghotilo re. Nu snakreni mae Tharunga te Blahi na mala fodu ke lamnami mala batu fakeli ghami.