Proveb 25:12 - Buka Blahi Ka Cheke Holo

¹² Nogna cheke te rheta mae te autagna gaoghatho te keli te cheke ka mae te lase fanomho na, famane fara jateula famane ring gol nei chen eghu.

Proveb 25:12 Iomraidhean Croise

Fapea Samuel 1:24

“Ghotilo gaꞌasemi Israel ra, tanhi ni king Sol! Eigna mana neke tufa famane pohe ukru te valakasi gol ka ghotilo. Uve, ghotilo neke famane filo mire.

Thoutonu Eigna Mae Job 28:17

Neubane gol ba kaisei famane glas, glalase te keli na keli salaꞌudi gol nei famane thina. Eghuteuna theo kaisei naikno tangomana te tughu famane gol na te mala hata glalase te keli na.

Thoutonu Eigna Mae Job 42:11

Aonu thabusigna te gnafa, greghagna te gnafa, nei iheire te gnafa teke laseni mana tifa igre mei ne sighoni mana. Eghuteuna mare ne eni kaisei gaghamu biꞌo ka sugagna mana na. Mare kokhoni nognani ne fameomegoni mala ke rheta fapulo mana gaoghathogna na eidi puhi biꞌo teke eni Lord teke thokeni mana. Eghuteuna mare te gnafa na ne kafe tusu lao kaisei silva sileni nei kaisei ring gol eghu ka mana.

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Eksodas 32:2

Eron ne cheke eghu ka mare, “Uve, ghotilo tei atha dedenge gol ka khetomi nei thumi teu ghotilo are mala atha mei ka iara.”

Eksodas 35:22

Uve, nalhaꞌu ba gaꞌase te thofno au nagnafadi fara te mala tusu lao glepo ka Lord igre, mare atha mei famane glepo teke horo mare ka gol, nei keha nafnata glepo mala lilisei ka pohe, nei dedenge, nei ring, nei chen mala babaꞌo. Mare pala haghe gol igre jateula nodi fafara eghu mala fagaglana gna te glepo igre nogna Lord.

Proveb 15:5

Sua te fameomekro na theome fanomho ka kmagna na. Nu sua te lalase na fanomho ka kmagna na.

Proveb 20:12

Lord tusu ranghi ghita tatha mala fifilo, eghuteuna khuli mala fanomho.

Proveb 9:8

Thosei fariuriu fadoglini mae te thona foflogna na, mana ginauna tirogna nigho iagho. Nu te farirhiuni iagho ihei te autagna gaoghatho te keli na, mana ginauna namha nigho iagho.

Eklesiasti 7:5

Jame te fanomho iagho ka nogna farirhiu mae te autagna gaoghatho te keli te magnahaghei fadogli nigho iagho na, puhi igne keli fara salaꞌuni te fanomho iagho ka nogna khoje kilo fnakno mae te fameomekro na.

Profet Esikiel 16:12

Iara lilisei kaisei ring ka nehumu iagho na eghuteuna phei dedenge ka khulimu iagho na. Iara hata kaisei khepi nafnakno te thofno keli fara filogna na jateula nogna Kuin eghu ne lilisei ka phaꞌumu iagho na.

Matiu 12:35

Eghume naikno te keli na au gaoghatho te keli ka nagnafagna na, eghuteuna mana tangomana te chekedi glepo te kelire. Naikno te diꞌa na au gaoghatho te diꞌa ka nagnafagna na, eghuteuna mana tangomana te chekedi glepo te diꞌare.