Proveb 25:11 - Buka Blahi Ka Cheke Holo

¹¹ Kate thoke mei thofno narane te mala cheke iagho na, iagho famane cheke, tuana jateula famane gano ka tapera gol ra eghu.

Proveb 25:11 Iomraidhean Croise

Thoutonu Eigna Mae Job 4:4

Kate babaꞌo ihei na, chekemu iagho kolho te toghoni na. Eghuteuna kate uka pari ihei na, iagho toghoni mana mala ke farheta fapuloni.

Proveb 15:23

Mae te tufa gaoghatho te keli ka keha mae na thofno keli fara. Eghuteuna famane cheke ka thofno naranegna na, thofno glepo keli fara.

Proveb 24:26

Mae ihei te cheke tughu fakeli ka iagho na, mae igne thofno mae kheramu keli iagho.

Proveb 25:10

Ihei te nomhini puhi igne na, mare ginauna cheke fapari nigho iagho, eghuteuna iagho ginauna mamaja nou fabrahu.

Eklesiasti 12:10

Mana neke fariuriu hirodi cheke te mamahe nei doglo teu ka khulidi naiknore igre neke rioriso soru ka buka. Glepo teke rioriso soru mana ka buka na igre thofno tutuani fara neuba kehare ne magnahaghei te nomhidi eghuteuna kehare thirodi nomhidi neu.

Profet Isaia 50:4

Nogna mae gloku Lord na ne cheke eghu, “Lord God neke farirhiu ghauhi iara ka unha mana te magnahaghei chekedi iara re, mala ke farerheta nagnafadi iheire te nigra. Leuleghu hamerane na mana fadofra ghau iara mala nomhidi iara glepo majaghani nate farirhiu ghau iara mana re.

Matiu 12:35

Eghume naikno te keli na au gaoghatho te keli ka nagnafagna na, eghuteuna mana tangomana te chekedi glepo te kelire. Naikno te diꞌa na au gaoghatho te diꞌa ka nagnafagna na, eghuteuna mana tangomana te chekedi glepo te diꞌare.

Ululahu Samuel 25:35

Aonu mana ne atha glepo teke tufa Abigel igre ne cheke eghu ka naꞌa, “Iagho ke pulo ka pharikeli, thosei nanga nou. Iara ginauna eni unha teke toreni iagho na.”