Proveb 24:7 - Buka Blahi Ka Cheke Holo

⁷ Naikno te fameomekro na theome tangomana te laseni gaoghatho te keli nei glalase teuna. Mana theome tangomana te cheke fakeli ka nodi faidu mae biꞌore.

Proveb 24:7 Iomraidhean Croise

Thoutonu Eigna Mae Job 31:21

Jame te ei fagaglana iara ka khamegu na te mala tutidi iheire te theo kmadi, naugna iara laseni mae mala fate igne mana na phile balugu iara ka fate na,

Thoutonu Eigna Mae Job 5:4

Thugna mana re theome au fakeli. Eghuteuna theo kaisei naikno te toghodi ka fate na.

Nodi Khoje Hatimare Mae Jiu 10:5

Nu God, iagho theome fateni kolho mana! Mae te diꞌa igne theome magnahaghei te pari ka nogna chekere. Mana cheke fadiꞌadi nei maꞌedi eghu nogna naokare.

Nodi Khoje Hatimare Mae Jiu 127:5

Eghume mae ihei te au kmana thugna na, mana thono keli tagna fara. Glahula te hatani mana te tei nogna naoka re ka fate na, thugna mana re ginauna toghoni mana mala kegra haghe balugna mala tapla sorudi nogna naoka re.

Proveb 14:6

Mae te patugama na hiro gaoghatho te keli, nu theome tangomana te hata na. Nu mae te autagna gaoghatho te keli na, theome gloku biꞌo te hata glalase na.

Proveb 15:24

Mae te autagna gaoghatho te keli na, mana tangomana te tei ka nabrou te haghe kligna te mala athini u karha na. Eghume, mana theome tangomana te soru pari ka namonodi mae tela lehehi ra.

Proveb 17:16

Theome keli te foli skul fi ka mae te theome autagna gaoghatho te keli na, naugna mana ne tirogna hiohiro.

Proveb 17:24

Mae te lalase na, hironi gaoghatho te keli na. Nu mae te fameomekro na hiro thua nafnata gaoghatho heva heva.

Proveb 17:7

Theome doglo te cheke fahaehaghe mae te fameomekro na. Eghuteuna theome doglo mae funei te cheke chaichaghi na.

Proveb 22:22

Thosei fakokhoanadi naikno te kumare. Eghuteuna thosei goigonidi ka fate na.

Proveb 28:5

Ihei te eni puhi te diꞌa na, theome laseni puhi te doglo na. Nu ihei te ghatho tahuni Lord na, thofno laseni puhi te doglo na.

Proveb 31:23

Khetogna na, naiknore ghatho tahuni mana, eghuteuna mana mae biꞌo ka nodi namono na.

Profet Isaia 29:21

Ihei te cheke chaghidi keha naiknore ka fate, nei iheire te chaghi te mala lus ihei te doglo ka fate na, Lord jaola ginauna paradi fara mare.

Profet Isaia 32:6

Leuleghu fata na naikno te fameomekro na cheke fajiflani kolho cheke te fameomekro na, eghuteuna ghathoni kolho te mala eni puhi te diꞌa na. Mana leghuni fabrahu puhi te diꞌa na, eghuteuna toutonu tafri cheke te chaichaghi eigna Lord. Mana theome faghamudi ihei te rofo, ba theome fakoꞌudi iheire te roi koꞌu.

Profet Emos 5:10

Puhi te eni ghotilo ka fate na igne thono diꞌa fara. Eigna jame kaisei mae chekedi unha glepo te tutuani re, eghuteuna diꞌa tagnadi unha te edi fadiꞌa ghotilo ka fate na teu igne, ghotilo ginauna tiromini mae ihei te doglo puhigna na igne.

Profet Emos 5:12

Iara lase ghami ghotilo, eigna kmana fata ghotilo huhughuni vetula na. Eghuteuna nakhibomi ghotilore thono kmana fara. Ghotilo hata sileni ka naikno te diꞌa puhidire, eigna te mala toghodi mare ka fate na. Eghuteuna ghotilo fakokhoanadi nei chaghidi eghu naikno te kuma re mala theome tangomana mare te chekeni unha te tutuani ka fate na.

Profet Emos 5:15

Ghotilo lilisei puhi te diꞌa na mala leghuni kolho puhi te keli na. Eghuteuna ka fate na, ghotilo leghuni kolho puhi te doglo na. Jame te eni ghotilo igne na, God ginauna kokhoni ghami ghotilo naiknomi Israel te karha teu gognaro ra.

Ululahu Korin 2:14

Ihei te theome au tagna u Tharunga te Blahi na, mana theome tangomana te hata u farirhiu te tusu mei Tharunga gna God na. Mana theome lasedi gaoghathodi farirhiu igre, eghuteuna farirhiu igre theo nafudi kolho ka mana. Eigna ihei ngala te baubatu tagna Tharunga te Blahi na te tangomana te mala lasedi nogna farirhiu mana re.