Proveb 24:31 - Buka Blahi Ka Cheke Holo

³¹ Phei nagare igre fodu ka phono nei thafru ka buburu fachuchuru. Eghuteuna bara thina teke falithui ka nagare igne ne chigra tonganahi.

Proveb 24:31 Iomraidhean Croise

Thoutonu Eigna Mae Job 30:7

Mare eha tafri kolho farihotei mata, jateula khuma mata eghu, eghuteuna mare khapru fodu ke pari gaju.

Thoutonu Eigna Mae Job 31:40

te eghu na, lisa lao ka phono nei gaju te diꞌa eghu kolho mala kotu ka nagare igne.” Nogna cheke mae Job igre gnafa agne.

Proveb 13:4

Mae te loku heta na, mana na hata unha te magnahagheni mana na. Mae te thodo na, mana theome tangomana te hata unha te magnahagheni mana na.

Proveb 19:23

Ghatho tahuni Lord, iagho ginauna karha. Eghuteuna iagho ginauna au fakeli fabrahu, eghuteuna theo kaisei glepo te diꞌa nate mei goigoni nigho na.

Proveb 20:4

Naikno te thodo na theome loku ka nagare. Aonu kate hiro gano na, mana theome deni kaisei gano kolho.

Proveb 22:13

Mae te thodo na fiti au kolho lamna suga, cheke eghu, “Jame kaisei lion na au jare ka nabrou na. Glahu tei iara nu falehe ghau naꞌa eghu.”

Proveb 23:21

Mae funeidi mae te koꞌu beer nei ghamu biꞌo fara teu are ginauna kuma, eghuteuna pipichi ka pohe te thona.

Proveb 24:32

Iara filoni ne ghaoghatho eigna nagare igre, eghuteuna iara ne atha nogu gaoghatho te keli tagna:

Eklesiasti 10:18

Jame kaisei mae thodo fara, suga na ginauna lulu sorokoto, eghuteuna suga igne ginauna grofo pari.

Profet Isaia 5:5

Iara ginauna chekeni ka ghotilo unha nate eni iara ka nagare igne. Iara ginauna paꞌe soru bara igne mala mei naikno nei buluka eghu mala tapla ke kligna gna.

Profet Isaia 5:6

Iara ginauna lisa lao ka gnarho fachuchuru mala thafru ka vido igne, eghuteuna iara ginauna theome snakreni nakhete na mala soru mei ka nagare igne. Iara ginauna lisa lao vido igne mala vuhai namono nagou kolho.”

Profet Jeremaea 4:3

Lord ne cheke eghu ka naiknodi Juda nei Jerusalem, “Ghotilo koko puhimi te diꞌare mala ke pulo mei ka iara. Eghuteuna ghotilo mala jateula mae te joꞌu gano majaghani ka glose majaghani ra eghu mala ke atha gaoghatho majaghani nei puhi majaghani eghu. Ghotilo naiknomi Juda nei Jerusalem teura, ghotilo koko gaoghatho te diꞌa te fodu ka thiꞌami are mala nogu naikno keli iara thegu. Jame te theome eghu ghotilo na, iara ginauna thono diꞌatagu fara ka puhi te edi ghotilo tuare. Eghuteuna diꞌatagu iara igne ginauna jateula khaꞌaghi te theome tangomana kaisei naikno te faleheni ra eghu.”

Matiu 13:22

Sisi te sukha ke lamnadi glathi buburu te fachuchuru na igre eidi iheire te nomhini chekegna God, nu cheke igne ghosei ne thafru ka unha te magnahaghedi fara ka thua nafnata dedei gna nauthoglu igne. Eghume theo kaisei sisi te karha na.

Matiu 13:7

Keha sisire ne khoko soru ka vido aheva te au kmana glathi buburu te fachuchuru. Glathidi buburu te fachuchuru igre ne kafe gri haghe ne thafru sophore. Sophore ne theome kotu ne theo sisidi.

Hibru 6:8

Keha naiknore jateula vido glose te kotu phono nei sokiaro teu ia eghu ne theome keli kolho. Ke leghu na God ginauna na tibrini glose tuana nei na nako ka khaꞌaghi.