Proveb 24:3 - Buka Blahi Ka Cheke Holo

³ Mae ihei te autagna famane gaoghatho te keli nei glalase teuna, mana ginauna au nogna famane suga, eghuteuna tharaknagna mana na ginauna au fakeli.

Proveb 24:3 Iomraidhean Croise

Fapea Samuel 7:26

Eghuteuna naikno te gnafa igre ginauna cheke fakelini fabrahu nanghamu iagho na. Naiknore ginauna eha eghu fabiꞌo, ‘Lord mae ihei te au nolaghi fateote'o igne, mana nodi God mae Israel!’ Eghuteuna vikegu iara nou mae gloku gne ginauna kegra maku fabrahu Israel.

Proveb 14:1

Gaꞌase te autagna gaoghatho te keli na reireghi fakelini tharaknagna na. Nu puhigna gaꞌase te fameomekro na, goigoni ni tharakna thongana na.

Proveb 9:1

Gaoghatho te keli nei doglo teuna jateula kaisei gaꞌase te babana nogna suga na ka fitu khegra te maku ra eghu.

Profet Jeremaea 10:12

Ka nogna gaoghatho te keli nei ka nogna glalase eghu thegna Lord neke vuavuha nauthoglu ghe maloa igre. Mana neke vuavuha glepo igre ka nogna nolaghi nei glalase eghu thegna.

Ululahu Korin 3:9

Eigna ghepa kafe loku ranghini God ngala te mala togho ghami ghotilo, eghuteuna ghotilo jateula nogna nagare eghu mana. Eghuteuna ghotilo jaola jateu kaisei suga teke horo God eghu.

Kolose 2:7

Ghotilo kaisei balugna Kraes jateula kaisei gaju ba suga te kegra maku ke kligna glose. Eghuteuna nomi fatutuani ghotilo ka mae Kraes na mala e heta fakeli, jateula mare teke farirhiu ghami ghotilo. Eghuteuna leuleghu fata na ghotilo mala cheke fakelini mana.