Proveb 24:28 - Buka Blahi Ka Cheke Holo

²⁸ Iagho thosei cheke faparini mae kheramu te theome eni kaisei glepo te diꞌa na. Iagho thosei chaghini mana ka keha naiknore.

Proveb 24:28 Iomraidhean Croise

Thoutonu Eigna Mae Job 2:3

Lord ne cheke eghu ka Satan, “Ba, iagho filoni puhigna nogu mae gloku iara Job igne? Theo kaisei mae ka nauthoglu igne te jateula mana teuna. Mana kaisei mae keli nei doglo eghu. Mana ghatho tahu ghau iara eghuteuna mana theome magnahaghei te eni kaisei glepo te diꞌa. Neuba iagho ne tore ghau iara mala goigonini mana kate theo nafugna.”

Nodi Khoje Hatimare Mae Jiu 35:11

Naikno te diꞌa igre mare fathoro mei ka iara keha puhi te diꞌa teke theome edi iara re.

Nodi Khoje Hatimare Mae Jiu 35:7

Iara neke theome eni kaisei puhi te diꞌa ranghidi mare, nu mare lilisei kaisei phighoro te mala fakhale ghau iara na. Eghuteuna mare neke dokha kaisei khora te mala snoꞌo iara na.

Nodi Khoje Hatimare Mae Jiu 52:1

Iagho mae biꞌo te nheta fara kau magra ia, naugna unha sagho te fahaehaeghedi fara puhi te diꞌa grea? Eigna puhigna God te keli ranghini naikno na au fabrahu tifa tifa.

Eksodas 20:16

“Thosei vuavuha cheke ranghini ihei.

Eksodas 23:1

Mae Moses ne cheke soru ka naiknore chekegna Lord na, ne cheke eghu, “Kate tei ka fate na, ghotilo thosei toutonu chaghi ranghini ihei unha glepo te theome tutuani na, ba toghoni mae ihei te diꞌa puhigna na.

Proveb 14:5

Mae te filo tathagna na, mana theome tangomana te chaichaghi na. Nu mae te theome filo tathagna na, mana tangomana te chaghi kolho na.

Proveb 19:5

Te chaghi ka fate na, iagho ginauna au papara. Te chaghi fabrahu na, iagho ginauna theome snagla.

Proveb 19:9

Chaghi ka fate na, iagho ginauna au papara. Te chaghi fabrahu na, iagho ginauna lehe.

Proveb 21:28

Mae te chaghi ka fate na ginauna lehe. Mae te cheke tutuani ka fate na, mae mala fate re ginauna fanomho fakeli ka nogna cheke mana re.

Proveb 25:18

Kate chaghi iagho eigna mae kheramu fofodu na, iagho jateula naflahi, ba gaju, ba jata eghu kolho.

Levitikas 19:11

“Ghotilo thosei blau, ba thosei chaghi tafridi keha kherami re.

Matiu 27:23

Mae Paelat neke ghusna eghui ka mare, “Naugna unha te mala faleheni iara mae igne? Unha najafra biꞌo teke eni mana na?” Mare ne kafe thagru eghu fabiꞌo fara, “Tupijuruni ka gaju fafatha!”

Jone 15:25

Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Efesus 4:25

Eghume te keli na ghotilo lilisei puhi te chaichaghi gne. Eghuteuna unha te chekeni ghotilo ka naikno khiloaure glepo te tutuani na ngala, naugna tahati te gnafa na kaisei ngala ka thinigna Kraes.

Kolose 3:9

nei thosei chaghi fari themi. Naugna ghotilo neke nhaꞌa fadeleihi puhi diꞌa teke edi ghotilo tifa ra.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.