Proveb 24:20 - Buka Blahi Ka Cheke Holo

²⁰ Nakarhadi re theome keli. Mare jateula juta te lehe ra eghu kolho.

Proveb 24:20 Iomraidhean Croise

Thoutonu Eigna Mae Job 15:31

Mae igne chaghini thegna jame te rouronu mana ka glepo te theo nafudi re, naugna glepo te theo nafudi igre kolho nate au ka mana re.

Thoutonu Eigna Mae Job 21:17

“Naikno te diꞌa igre theome lehe kate majaghani teu mare na. Eghuteuna puhi biꞌo te jifla mei kate diꞌatagna God na, theome thokedi mae igre.

Nodi Khoje Hatimare Mae Jiu 11:6

Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.

Nodi Khoje Hatimare Mae Jiu 37:2

Theome raughau mare ginauna brango jateula u buburu eghu kolho. Mare ginauna lehe jateula gaju ikodi te lehe ka nhigra te ahora eghu.

Nodi Khoje Hatimare Mae Jiu 9:17

Naikno te diꞌa te figri tagruni God teu are ginauna tei ka namonodi naikno tela lehehira mala luvu fabrahu kolho jare.

Proveb 13:9

Nakarhagna naikno te doglo na jateula juta eghu famane agha fara. Nu nakarhagna naikno te diꞌa na, jateula juta te falehe te romno ra eghu.

Proveb 17:20

Ihei te fodu ka gaoghatho te diꞌa na, mana ginauna theome au fakeli. Eghuteuna ihei te cheke diꞌa fabrahu na ginauna khale ka puhi biꞌo.

Proveb 20:20

Ihei te cheke fadiꞌadi idogna kmagna re, mana ginauna lehe, jateula juta te lehe ka vido te thono romno ra eghu.

Proveb 21:4

Naikno te eni puhi te diꞌa na, mana fahaehaghe nei filo faparidi eghu keha naiknore. Eghume nakhibo na fodu ka thiꞌagna mana na.

Proveb 23:18

Jame te ghaoghatho eghu iagho na, nakarhamu iagho na ginauna thofno keli fara.

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.

Matiu 25:8

Thau te theome lalase igre ne cheke eghu ka thau te lalase re, ‘Famei keha nomi keraseni. Nomi juta ghehati gre namo lehe.’

Matiu 8:12

Eghuteuna mae Jiu te theome fatutuani gre, God ginauna na chekedi nogna engel re mala koko fajifladi ka namono te romno te theome au thegna mana na. Mare ginauna naꞌau papara jare mala tanhi nei diꞌanagnafa eghu fara.”

Letas Teke Rioriso Mae Jud 1:13

Nafnata naikno igre tahati filodi koba puhidi te diꞌare. Naikno tuare jateula galo te pulei mei kmana chara ka glilihi ia eghu, ba jateula nathunu te tei kokodi vido mala audira eghu kolho. God la kulu tarabanahi namono te romno fara na mala audire, mare naꞌau papara fabrahu jare tifa tifa.