Proveb 24:2 - Buka Blahi Ka Cheke Holo

² Mare magnahaghei magra fabrahu kolho, eghuteuna mare chekeni koba eigna te mala eni puhi biꞌo na.

Proveb 24:2 Iomraidhean Croise

Thoutonu Eigna Mae Job 15:35

Naikno na gugumu puhi biꞌo, eghuteuna luꞌa soru glepo te diꞌa. Leuleghu fata na, mana tarabanani kolho puhi te mala chaghi na.”

Nodi Khoje Hatimare Mae Jiu 10:7

Foflogna mae igne thono diꞌa fara. Naugna e fodu ka chaichaghi nei famamhagu eghu koba. Mana ghosei ngala te cheke fajifladire cheke te diꞌa te mala goigonidi keha naiknore.

Nodi Khoje Hatimare Mae Jiu 140:2

Mare roghedi kolho glepo te diꞌare, eghuteuna nodi chekere jaola mala fa eꞌei magra kolho.

Nodi Khoje Hatimare Mae Jiu 28:3

Kate fatedi iagho naikno te diꞌa puhidire, eidi glepo te diꞌa teke edi mare re, iagho thosei kaha fodu ghau iara baludi mare. Mare lase cheke famaemahe fara ka keha naiknore, nu gaoghatho te diꞌa na fodu ka nagnafadire.

Nodi Khoje Hatimare Mae Jiu 36:4

Kate thuru teu ka sape na, mana hironi kolho nabrou te mala eni puhi te diꞌa na. Mana leghuni kolho nabrou te diꞌa na, nei mana theome tangomana te figri tagruni puhi te diꞌa na.

Nodi Khoje Hatimare Mae Jiu 38:12

Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Nodi Khoje Hatimare Mae Jiu 7:14

Filo si ghotilo! Naikno te diꞌa tuare, mare la kulu ghaoghathonihi mala eni puhi te diꞌa na. Eghuteuna mare tangomana te chaichaghidi naiknore.

Proveb 1:10

Thuguo, thosei leghudi nodi cheke famaemahe naikno te diꞌa are.

Proveb 24:8

Mae ihei te ghathoni fabrahu puhi te diꞌa na, mare kiloni mae igne kaisei mae glalama.

Proveb 6:14

Mare ghathodi thua nafnata puhi te mala eni glepo te diꞌa na, eghuteuna edi puhi biꞌo ka vido te kmana re.

Profet Isaia 30:12

Nu igne unha te chekeni God te Blahi gna Israel, “Ghotilo tirominihi nogu cheke iara na, eghuteuna ghotilo fatutuanini fara puhi te chaichaghi nei cheke famaemahe teu igne nate togho ghami na.

Profet Isaia 59:4

Theo kaisei ka ghotilo te fate naikno ka puhi te doglo na. Kate tei ka fate na, ghotilo edi thua nafnata cheke chaichaghi fateote'o. Leuleghu fata na, ghotilo leghudi kolho nomi gaoghatho themi te mala goigonidi keha naiknore.

Profet Jeremaea 22:17

Nu iagho King Jehoiakim, fariu riu mala atha glepo ka puhi te theome doglo. Leuleghu fata na, iagho falehedi iheire te theome eni kaisei glepo te diꞌa, iagho fakabru naikno, nei chaghi tafridi iheire te diꞌa.”

Profet Maeka 7:3

Naiknore kafe laseni fara te mala edi glepo te diꞌa re. Mae biꞌore loku fodu mala edi gaoghatho te diꞌa. Leuleghu fata na mae mala baubatu nei mae mala fate teu igre mare famaemahedi naiknore mala chaghidi keha naiknore ka sileni. Mae biꞌo igre huhurudi naiknore mala edi kolho unha te magnahaghedi thedi re.

Mae Khuru 13:10

ne cheke eghu ka mana, “Ghema, iagho thugna mae Satan! Iagho tiroudi gobigna lepo te kelire. Eghuteuna iagho fodu salaꞌui ka nafnata puhi te chaichaghi nei puhi te diꞌa nei batu fadiꞌadi naiknore eghu. Iagho leuleghu fata na fadiꞌani koba thofno chekegna Lord na ne jateula te khogla cheke chaichaghira neu kolho.

Ululahu Samuel 23:9

Nu kate nomhini mae Devet thoutonu eigna mae Sol te magnahaghei faleheni na, mae Devet ne cheke eghu ka mae pris Abiata, “Atha mei efod ia mala tarai ka Lord.”