Proveb 24:17 - Buka Blahi Ka Cheke Holo

¹⁷ Iagho thosei gleale'a kate thoke mei hoholo na ka nou naoka na. Iagho thosei gleꞌa kate uka mana pari na.

Proveb 24:17 Iomraidhean Croise

Fapea Samuel 3:32

Mare ne giugiluini mana Hebron, eghuteuna king Devet, nei naikno te gnafare ne kafe tanhi fabiꞌo ka beku na.

Thoutonu Eigna Mae Job 31:29

“Iara theome glealeꞌa kate papara nogu naokare, eghuteuna iara theome glealeꞌa kolho kate thokedi puhi biꞌo mare na.

Nodi Khoje Hatimare Mae Jiu 35:15

Nu kate au iara ka puhi na, mare kelitadi fara, mare khapru falithui ghau iara mala maꞌe ghau iara. Keha mae te theome lasedi iara re, mare theome gnafa te fathoro mei puhi te diꞌa ka iara na.

Nodi Khoje Hatimare Mae Jiu 35:19

Thosei snakredi nogu naoka iara te mae chaichaghi gre mala tapla fapari ghau iara. Thosei snakredi mare mala maꞌe ghau iara kate filoni mare te au diꞌanagnafa iara na.

Nodi Khoje Hatimare Mae Jiu 42:10

Nodi cheke mae te diꞌa fara are ngala te jaꞌi ghau iara re. Leuleghu fata na mare cheke eghu koba ka iara, “Aheva gne nou God iagho na?!”

Proveb 17:5

Jame te cheke faparini iagho naikno te kuma na, iagho cheke faparini God mae ihei teke vuavuhani naikno na. Jame te gleale'a iagho ka puhi biꞌo te thokeni keha mae na, iagho ginauna au papara.

Proveb 24:18

Jame te gleale'a iagho na, Lord ginauna laseni igne, eghuteuna mana ginauna tirogna nigho iagho. Eghuteuna diꞌatagna mana ka nou naoka iagho ginauna na hui.

Profet Obadaea 1:12

Ghotilo edi kmana glepo te theome doglo ranghidi kherami ka kantri Juda. Ghotilo kelitami nei gleale'a eghu kate filoni te groꞌe mare na. Ghotilo cheke faglauglahu balu maꞌe kate au diꞌanagnafa nei kokhonidi teu naiknore. Ghotilo gleale'a nei maꞌe eghu tei ruma ka sugadi naiknore mala tei hata nodi glepore. Ghotilo kegra farihotei nabrou mala lokidi maedi Juda te mala rikha nodi teure. Eghuteuna snakre laodi ka khamedi mae naoka re. Glepo te edi ghotilo igre theome doglo.”

Profet Maeka 7:8

Neuba tahati ne uka pari, nu noda naoka tahati gre theome tangomana te glealeꞌa kolho ka puhi biꞌo igne. Tahati uka pari, nu tahati ginauna nake kegra haghe. Neuba tahati ne gnokro kate romno, nu Lord thegna ginauna noda naphae tahati.

Jajis 16:25

Ka narane tuana, mae funei re ne glealeꞌa fara aonu mare ne cheke eghu, “Tei hata fajifla mei Samson ka sosolo, mala maꞌe nodani!” Mae funei igre hatani mana ne mei, eghuteuna mare maꞌe ne maꞌeni mana. Aonu, mare ne fakegra mana farihoteidi khegra biꞌo ke lamnagna nodi Sugablahi na.