Proveb 23:35 - Buka Blahi Ka Cheke Holo

³⁵ Eghuteuna iagho ginauna na cheke eghu, “Jau mare puri ghau iara, nu iara theome fnera. Jau mare magri ghau iara, nu iara theome haimini.” Eghuteuna iagho ginauna cheke eghu, “Iara magnahaghei dofra mala ke drangai.”

Proveb 23:35 Iomraidhean Croise

Proveb 23:34

Iagho ginauna na jateula te tei ka maraghata te roi luꞌa ra eghu. Iagho ginauna haimini jateula te au teu kligna ka khegra vaka ra eghu.

Proveb 26:11

Mae te fameomekro teke eni fapulo puhi fameomekro na, jateula khuma teke figri teke ghamu gluꞌagna thegna ra eghu kolho.

Proveb 27:22

Neuba iagho ne parani fara naikno te fameomekro na, iagho theome tangomana te koko puhigna mae te fameomekro na.

Profet Isaia 22:13

Nu ghotilo maꞌe nei ei gaghamu eghu kolho! Uve, ghotilo theome gnafa te falehe buluka nei sipu teu te mala ima ghemi nei koꞌu ghemi teuna. Eghuteuna ghotilo cheke eghu koba, “Te keli na tahati ima gheda nei koꞌu gheda eghu, naugna nathuꞌu na tahati ginauna kafe lehe.”

Profet Isaia 56:12

Naikno igre cheke eghu, ‘Tahati ari atha waen nei beer eghu mala koꞌu gheda mala ghilei thaviru noda fara! Nathuꞌu na ginauna thofno keli fara salaꞌuni narane gognarogne.’ ”

Profet Jeremaea 31:18

“Iara nomhidihi nodi diꞌanagnafa nei natanhi teu vikegna mae Efrem ra. Mare tanhi ne cheke eghu, ‘Lord, ghehati gne jateula sua buluka mata te theome au snoto ra eghu. Nu iagho para ghami mala leghu nigho. Iagho Lord, nomi God ghehati, atha fapulo ghami ka iagho.

Profet Jeremaea 5:3

Lord, iagho magnahaghedi iheire te cheke kate tutuani koba. Neuba iagho ne paradi, nu mare theome haimini te kabru ghedi na. Neuba iagho ne goigonidi, nu mare theome snakre nigho iagho te mala fadoglidire. Phaꞌudire maku fara jateula thina eghu. Eghuteuna mare thono tirodi te tughu nagnafa na.

Efesus 4:19

Mare la theo hi te haimini mamaja na, mare heta ghedi ka unha te jafra nei magnahaghei fara te eni koba unha glepo te diꞌa na.

Diutronomi 29:19

“Iheire teke nomhini eigna nhaꞌa cheke igne, nu mana patu gama fara nei leghuni kolho fabrahu puhigna thegna na. Eghume puhi biꞌo igne ginauna goigonini mana nei naikno te gnafa Israel neubane naikno keli ba diꞌa, mare ginauna kafe lehe hui.

Fapea Pita 2:22

Unha te eni mare igne ne horoghoto fara ka thofno cheke te tutuani ia, “Ke leghugna te lu'a te gnafa na, khuma na neke pulo neke ghamu gluagnare.” Eghuteuna keha cheke na teuna cheke eghu, “Ke leghugna apu te gae na, bosu na nake pulo nake pepele ka chopu na.”