Proveb 23:34 - Buka Blahi Ka Cheke Holo

³⁴ Iagho ginauna na jateula te tei ka maraghata te roi luꞌa ra eghu. Iagho ginauna haimini jateula te au teu kligna ka khegra vaka ra eghu.

Proveb 23:34 Iomraidhean Croise

Fapea Samuel 13:28

Mae Absalom ne cheke eghu ka nogna mae glokure, “Kate ghamu teu tahati na, ghotilo filo fakelini mae Amnon. Kate filoni ghotilo te koꞌu te salaꞌui mana na, iara na eni kaisei fagaglana ka ghotilo. Eghuteuna ghotilo tei mala faleheni mana. Ghotilo thosei nanga nomi. Naugna iara te cheke ghami ghotilo te mala faleheni mana na. Eghume ghotilo famamhaku nagnafami re mala thosei mhaghu!”

Ululahu Kings 16:9

Simri kaisei mae komanda, mana mala magra ka King Ela. Mae Simri mae funeigna kaisei nogna tothoghei chariot. Aonu mae Simri ne hironi kaisei nabrou te mala faleheni King Ela. Kaisei narane, king au neu Tiasa, mana koꞌu waen neu ka sugagna mae Arasa mae ihei te mae biꞌo ka sugagna king.

Eksodas 15:8

Iagho diꞌatamu fara ne phanga lao ka thongna na, eghuteuna thongna na ne kogu kogu ne haghe posa kligna jateula bara neu. Eghuteuna khotogna nhorora na ne thuke.

Proveb 23:33

Tathamu iagho are ginauna filodi thua nafnata glepo, eghuteuna gaoghathomu iagho na ginauna ghathodi thua nafnata glepo te diꞌa.

Proveb 23:35

Eghuteuna iagho ginauna na cheke eghu, “Jau mare puri ghau iara, nu iara theome fnera. Jau mare magri ghau iara, nu iara theome haimini.” Eghuteuna iagho ginauna cheke eghu, “Iara magnahaghei dofra mala ke drangai.”

Proveb 31:4

Lemuel, theome doglo mae lida na te koꞌu te thaviru na, eghuteuna jame theome doglo mae biꞌo na te magnahaghei koꞌu beer fara na.

Profet Joel 1:5

Ghotilo mae te koꞌu te thaviru ra, ghotilo dofra mala tanhi. Ghotilo mae te lase koꞌu waen ra, ghotilo mala jaola mala tanhi, naugna grep te mala eꞌei waen majaghani ghotilora la gnafahi.

Matiu 24:38

Naugna ka narane theome mei tekeu nabritha na, naiknore neke ghamu ghedi, koꞌu ghedi, nei tolaghi nodi. Neku neke ghilei posa ka narane te saghe mae Noa ka vaka na.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.