Proveb 23:32 - Buka Blahi Ka Cheke Holo

³² Glepo tuana jateula mogo faghughumhu eghu na kathi nigho iagho, iagho ginauna lehe tagna.

Proveb 23:32 Iomraidhean Croise

Thoutonu Eigna Mae Job 20:16

Mae te diꞌa igne nairu balu mogo. Uve, mana ginauna lehe ka poesen gna mogo igne.

Nodi Khoje Hatimare Mae Jiu 91:13

Iagho ginauna tapla ke klignadi lion, nei mogo te faghughumhu. Uve, neubane eghu ngau na theo kaisei glepo te diꞌa nate thoke nigho iagho na.

Eksodas 7:12

Uve, hatimare mae igre ne jaola ne koko soru pari nodi khodore neke vuhai mogo. Nu nogna khodo mae Eron na ne tomno soru nodi mare re.

Proveb 20:1

Mae te koꞌu kmana beer na ginauna eha tongana, cheke diꞌa nei magra eghu. Mae te snakreni beer na te funei fruni nakarhagna na, gaoghatho te keli na theome au ka mana.

Proveb 5:11

Glahu kate namo lehe iagho na, iagho ginauna tanhi fara, naugna thinimu iagho na nhubragna kolho.

Eklesiasti 10:8

Mae te dokha huha mala snoꞌo naikno tagna teuna, mana ginauna snoꞌo thegna. Mae te horo khora ka gringnigna suga na, phanaga ginauna kathini mana.

Profet Isaia 11:8

Kaisei sua ginauna nairu rhegna khora te au phanaga na. Eghuteuna neuba sua igne ne habo lao khamegna na ka khora mogo igne, nu mogo igne ginauna theome kathini kolho.

Profet Isaia 28:3

Mae igne ginauna mei goigoni fahui gobigna lepo te fahaehaghedi fara mae mala baubatu igre. Uve, na jateula kaisei mae te tapla reureku khepi nafnakno teke hohoro ka flaoa ra eghu.

Profet Isaia 59:5

Gaoghatho te diꞌa te fodu ka thiꞌami ghotilo igre jateula nakredi phanaga eghu. Ihei te ghamu kaisei nakredi ka igre na, naikno igne ginauna lehe. Eghuteuna jame te poposa mana nakredi igne na, kaisei sua phanaga ginauna jifla mei. Eghume, gaoghatho te diꞌa te edi ghotilo igre tangomana te thoke mei thua nafnata puhi biꞌo te mala goigonidi nakarhadi keha naiknore. Filo si ghotilo ka khakafre ia, naꞌa horo suga mala fakhale gnata mala ghamu. Tutuani, ghotilo theome tangomana te porudi nakhibomi re, jateula tuana eghu naikno na theome tangomana te atha suga khakafre igne te mala horo pohe na. Theo fara.

Profet Jeremaea 5:31

Kate toutonu na, mae profet igre chaghidi naiknore. Hatimare mae pris jaola eni kolho unha te magnahagheni thedi na. Eghuteuna ghotilo nogu naikno iara gre thono magnahagheni fara puhi te eni mare igne. Nu iara ginauna fakokhoana ghami ghotilo, eghuteuna puhimi ghotilo te diꞌa igne ginauna hui. Eghuteuna ka narane igre unha nate eni ghotilo na?”

Profet Jeremaea 8:17

Lord ne cheke eghu, “Fanomho ghotilo ia! Iara ginauna na kuru mei mogo faghughumhu ka ghotilo mala kathi ghami ghotilo. Eghuteuna ghotilo ginauna na theo kaisei nabrou nate eni ghotilo ka mogo igre te mala rikha ghami na. Thono theo tutuani fara.” Igne chekegna Lord.

Profet Emos 5:19

Narane igne ginauna mei jateula kaisei mae te mhaghu lion te rikha te tei thafoni bea na te lehe ra eghu. Narane igne ginauna mei jateula kaisei mae te pulo mei ka nogna suga na, eghuteuna kaisei mogo kathini kate habo lao mana ka gringnigna suga na ia eghu.

Profet Emos 9:3

Neuba mare ne haghe poru tafri ke kligna Thogele Kamel, iara ginauna tei hirodi mala ke hata fapulodi. Eghuteuna neuba mare ne jufu pari ne tei poru pari ka khotogna nhorora gno, iara ginauna cheke faheta ka mogo biꞌo te au ka khotogna nhorora na mala ghamudi mare.

Letas Teke Riso Tei Mae Pol Ka Khiloau Rom 6:21

Tutuani, ghotilo neke theome hatini kaisei glepo te keli kolho ka nakhibo teke edi ghotilo re, eghuteuna ghotilo gognaro na mamaja nomi fara eidi puhi tuare. Thogheiro na nafnata puhi te diꞌa tuare mala fafnota ghami themi kolho ka God tifa tifa.

Efesus 5:18

Thosei koꞌu me dranga ka waen, naugna igne ginauna batu fadiꞌadi puhimi ghotilo re. Nu snakreni mae Tharunga te Blahi na mala fodu ke lamnami mala batu fakeli ghami.