Proveb 23:3 - Buka Blahi Ka Cheke Holo

³ Thosei kelitamu ka gano keli te nhaꞌa soru king ke ulumu na. Glahula chaghi nigho kolho mana gano tuana.

Proveb 23:3 Iomraidhean Croise

Nodi Khoje Hatimare Mae Jiu 141:4

Togho mei ghau mala theome edi iara glepo te diꞌa gre, nei togho ghau mala theome fofodu iara ka naikno te diꞌa puhidi gre. Uve, togho ghau iara sagho mala theome ghamu iara ka gano te fafara mae bongihehe gre ka nodi mumuju god re.

Proveb 23:6

Thosei ghamu ka sugagna ihei te ghamu nhoto ghegna ganore. Thosei khiridi ghegna gano te keli manare.

Profet Daniel 1:5

Eghuteuna king jaola ne cheke ka mae Aspenas mala faghamudi ka famane gano nei waen, nafnata gano te ghamu king baludi naikno te loku ka sugagna na. Mae igre ginauna sikolu nabagna thilo finogha. Eghuteuna ke leghugna igne, mare tangomana te loku ranghini king.

Profet Daniel 1:8

Nu mae Daniel gne mana ne theome magnahaghei te ghamu nei koꞌu teu ka sugagna king. Naugna mana laseni glepo igre ginauna fa thonani mana ka tathagna God na. Aonu mana ne toreni mae Aspenas mala toghoni.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Efesus 4:22

Tutuani, ghehati neke farirhiu ghami ghotilo mala lilisei puhi te diꞌa gna tifa teke leghuni ghotilo ka nakarhamira. Naugna puhigna tifa igne fodu ka chaichaghi nei puhi diꞌa, eghuteuna puhigna tifa na tangomana te fadidiꞌa ghami fabrahu.