Proveb 23:18 - Buka Blahi Ka Cheke Holo

¹⁸ Jame te ghaoghatho eghu iagho na, nakarhamu iagho na ginauna thofno keli fara.

Proveb 23:18 Iomraidhean Croise

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Nodi Khoje Hatimare Mae Jiu 37:37

Filo tutu laoni sagho mae te keli nei doglo teu puhigna ana. Mana au blagna nogna kolho baludi keha naiknore. Vikegna mana re ginauna au fabrahu tifa tifa.

Nodi Khoje Hatimare Mae Jiu 58:11

Naiknore ginauna cheke eghu, “Tutuani fara! God na tabadi naikno te keli re. Eghuteuna mana au na fatedi naiknogna nauthoglu igne!”

Nodi Khoje Hatimare Mae Jiu 9:18

Naikno te au kuma gognaro gre ginauna nake gleale'au. Naugna God ginauna nake toghodiu. Eghuteuna naikno te lisei faparidi thedire God ginauna nake pala haghedi kligna.

Proveb 24:14

Gaoghatho te keli nei glalase teu igre famane mamahe fara jateula jurukuli eghu. Jame hata iagho gaoghatho te keli na, nakarhamu iagho na thofno keli fara.

Proveb 24:20

Nakarhadi re theome keli. Mare jateula juta te lehe ra eghu kolho.

Profet Jeremaea 29:11

Iara Lord, iara ghathonihi unha te magnahaghei eni iara te mala togho ghami ghotilo na. Iara magnahaghei ghami ghotilo te au fakeli fabrahu mala theo kaisei puhi biꞌo nate thoke ghami ghotilo na. Iara magnahaghei ghami ghotilo te fatutuani ghau iara ghilei thoke mei narane te vahini iara na.

Luku 16:25

“Mae Ebraham ne cheke eghu ka mana, ‘Thuguo, ke ghathodi sagho kani teke karhamu ra. Iagho neke gleale'a fara nu mae Lasaros neke diꞌanagnafa fara. Nu gognaro na mae Lasaros kela au gleale'a agne, nu gognarona iagho kela au papara.

Filipae 1:20

Iara thono theome magnahaghei te eni kaisei glepo te mala famamaja ghau thegu ke ulugna mae Kraes. Nu iara magnahaghedi naiknore te filo glani ka iara nogna nolaghi biꞌo mae Kraes. Neuba mare ne falehe ghau iara ginauna, iara magnahaghedi naikno khiloaure te mala kilo fnaknoni fabrahu mae Kraes.

Hibru 10:35

Eghume, thosei ghatho peapea naugna God ginauna thofno tabadi iheire te loku famaku ka nodi fatutuani na te ghilei thoke ka narane leghu lahu.