Proveb 23:17 - Buka Blahi Ka Cheke Holo

¹⁷ Iagho thosei goghotuni mae te diꞌa na, nu ghatho tahuni nei fafnaknoni eghu fabrahu Lord kolho.

Proveb 23:17 Iomraidhean Croise

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Proveb 15:16

Mae te theome au nogna kmana glepo, nu ghatho tahuni Lord teuna, nakarhagna mae igne uluni nakarhagna mae ihei te au nogna kmana glepo, nu mana au puhi biꞌo ka nakarhagna na.

Proveb 24:1

Iagho thosei goghotu di naikno te diꞌa re, ba fren baludi.

Proveb 24:19

Iagho thosei nanga nou ka mae te diꞌa re. Iagho thosei goghotu ka naikno te diꞌa re.

Proveb 24:21

Thuguo, ghatho tahudi Lord ghe lida. Iagho au fadelei ka naikno te theome keli ranghidi phiamare are.

Proveb 28:14

Mae te ghatho tahuni Lord na, mana ginauna glealeꞌa fara. Nu ihei te patugama na ginauna thokeni puhi biꞌo.

Proveb 3:31

Iagho thosei goghotudi mae te magra are, eghuteuna thosei leghudi puhidi mare re.

Eklesiasti 5:6

Thono diꞌa fara te chekeni iagho cheke te mala batu nigho ka nakhibo na. Jaola iagho thosei tei cheke eghu ka mae pris, “Nogu nhaꞌa cheke iara igne jafrau.” Ba, iagho magnahagheni God te diꞌatagna ka iagho te goigonidi gobigna lepo teke loku teke kmusadi iaghore sia?

Eklesiasti 5:7

Neuba iagho ne edi kmana mifi, kmana cheke, nei kmana nafnata gaoghatho te theo nafudi neu, iagho mala ghatho tahuni God.

Mae Khuru 9:31

Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Ululahu Pita 1:17

Kate tarai na ghotilo tangomana te kiloni God, Mama. Tutuani fara, kate fatedi naikno te gnafare, God ginauna theome tangomana te vahini ihei na, nu mana ginauna ghathoni eigna nogna gloku soasopai naikno na. Eghume kate karha nga teu ka nauthoglu igne, ghotilo mala ghatho tahuni God leghu fata.