Proveb 23:15 - Buka Blahi Ka Cheke Holo

¹⁵ Thuguo, jame te hata gaoghatho te keli nei lalase teu iagho na, iara ginauna gleale'a fara nagnafagu na.

Proveb 23:15 Iomraidhean Croise

Proveb 1:10

Thuguo, thosei leghudi nodi cheke famaemahe naikno te diꞌa are.

Proveb 10:1

Igre nogna famane cheke king Solomon. Kmagna mae te au tagna gaoghatho te keli na, mana gleale'a fabrahu. Idogna mae te fameomekro na, diꞌanagnafa fabrahu nei tanhi eghu.

Proveb 15:20

Mae sua te lalase na, faglealeꞌadi fabrahu idogna kmagnare. Nu mae sua te fagoigoli tafri na, theome ghatho tahudi idogna kmagnare.

Proveb 2:1

Thuguo, fanomho nei ghathodi eghu gobigna lepo te chekedi iara ka iagho igre.

Proveb 27:11

Thuguo, jame te atha gaoghatho te keli nei glalase teu iagho na, iara ginauna glealeꞌa fara. Eghuteuna iara ginauna tangomana te cheke tughuni ihei te cheke fapari ghau iara na.

Proveb 29:3

Mae te magnahaghei hata gaoghatho te keli na, idogna kmagna manare kelitadi fara. Nu mae ihei te magnahaghei tei ka thau vine na, koko fahui nogna sileni re.

Proveb 4:1

Goro sua! Fanomho fakeli ka nogu farirhiu iara igne, eghuteuna ghotilo ginauna hata gaoghatho te keli.

Profet Jeremaea 32:41

Iara ginauna kelitagu fabrahu kolho te eni glepo te keli na ka mare, eghuteuna snakredi mare mala ke pulo au ka namono igne.”

Profet Sefanaea 3:17

God, nomi Lord ghotilo na au balumi. Nogna nolaghi mana na ginauna togho ghami mala uluni ghotilo magra na. Lord ginauna kelitagna ka ghotilo, eghuteuna nogna namha na ginauna tusu ranghi ghami nakarha majaghani. Aonu mana ginauna koje jateula naikno te gleale'a te koje ka narane biꞌo ra eghu.”

Matiu 9:2

Keha naiknore pala ne mei ka mana kaisei mae te blughu ka sape na. Kate laseni mae Jisas nodi fatutuani mare na, mana ne cheke eghu ka mae te blughu na, “Ghema kheraguo, thosei nanga nou, iara la hata fadeleihi nakhibomure.”

Luku 15:32

Nu ghehati neke eni gaghamu igne, mala gleale'a fodu balugna mana, naugna mae tahimu igne neke lehehi, nu gognarona kela karha fapulo. Mana neke snivihi nu gognarona kela kakhana.’ ”

Jone 15:11

Iara chekeni igne ka ghotilo, mala keli tami ghotilo jateula ngau iara te keli tagu gne eghu. Eghuteuna iara magnahaghei ghami ghotilo te mala thofno keli tami fara.

Jone 21:5

Aonu, mana ne cheke eghu ka mare, “Kheraguro, ne atha keha sasa ghotilo ia?” Mare ne cheke eghu, “Theo kolho.”

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.

Fapea Jone 1:4

Iara thofno keli tagu fara te filodi keha thumu iagho te thofno leghuni nabrou te tutuani, jateula mae Mama teke cheke ranghi ghita.