Proveb 22:23 - Buka Blahi Ka Cheke Holo

²³ Naugna Lord ginauna toghodi mare, eghuteuna ginauna goigonini ihei te goigonidi mare na.

Proveb 22:23 Iomraidhean Croise

Nodi Khoje Hatimare Mae Jiu 103:6

Kate filodi God naikno te au papara ke paridi mae biꞌo te diꞌa puhidire, mana lisei haghedi ke klignadi mae biꞌo diꞌa gre.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Nodi Khoje Hatimare Mae Jiu 12:6

Chekegna God na thofno tutuani fara, nei thofno keli fara eghu, jateula silva teke fitu fata gahu mare ka khaꞌaghi te famane klino ia eghu.

Nodi Khoje Hatimare Mae Jiu 140:12

Lord God, iara lase nigho iagho te toghodi iagho naikno te kumare, nei tusu ranghidi unha te nabadi.

Nodi Khoje Hatimare Mae Jiu 140:13

Tutuani fara, naikno te doglore ginauna au balumu iagho, eghuteuna mare ginauna na cheke fakeli nigho iagho fabrahu.

Nodi Khoje Hatimare Mae Jiu 35:1

Lord, diꞌatamudi sagho naikno te diꞌatadi ghau iara igre. Magridi sagho naikno te magri ghau iara igre.

Nodi Khoje Hatimare Mae Jiu 35:10

Eghuteuna ka nagnafagu fateo na iara ginauna cheke eghu ka God, “Theo kaisei naikno te jateula iagho teuna, iagho togho fakelidi naikno te nigra re. Eghume naikno te nheta re theome tangomana te goigonidi re naikno te kumare.”

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Nodi Khoje Hatimare Mae Jiu 68:5

God mae ihei te au teu ka nogna suga te blahi na, mana reireghidi goro sua te glehe kokoi, ba goro gaꞌase te lehe khetodire.

Eksodas 22:22

“Ghotilo thosei fakokhoanadi naikno biꞌo nei goro sua eghu te glehe kokoi are.

Eksodas 22:23

Jame te eghu ghotilo na, reꞌe ginau na toreni nogu thotogho iara na, eghuteuna iara ginau na mei mala toghodi.

Proveb 21:7

Puhi mamagra te leghuni mae te diꞌa na, ginauna goigoni ni mana, naugna mana ne tirogna eni kaisei puhi te doglo.

Proveb 23:11

Iagho thosei eni igne, naugna Lord mae ihei te nheta fara na, ginauna toghodi mare ka fate na.

Profet Isaia 33:1

Kokhoni ghami fara ghotilo iheire te fakokhoanadi keha naikno ra! Ghotilo eni koba puhi igne ka keha naiknore, naugna theo kaisei naikno te eni nafnata puhi igne ka ghotilo na. Kokhoni ghami fara ghotilo te eni nafnata puhi te diꞌa igne ka kherami fofodu are! Ghotilo eni koba puhi igne, naugna theo kaisei naikno te eni kaisei najafra ka ghotilo na. Nu kate goigonidi ghotilo keha naiknore, mare ginauna na jaola ke goigoni ghamila ghotilo. Eghuteuna kate eni fadiꞌa ghotilo ranghidi kherami fofodu re, mare ginauna nake jaola nake enila unha puhi te diꞌa na ranghi ghami ghotilo.

Profet Jeremaea 30:16

“Nu jame te mei mae naokare te goigoni ghami ghotilo na, iara ginauna goigonidi mare. Eghuteuna jame te mei mae naokare te blau nomi glepo ghotilore, iara ginauna blau nakarhadi mae igre. Iara ginauna edi glepo igre mala jifla kokoni mare nodi thofno namono na mala tei au ka vido te theome nodi mare.

Profet Jeremaea 50:34

Nu God mae ihei te mala atha fajifladi mare na thono nheta fara. Nanghagna mana na Lord, mae ihei te au nolaghi fateote'o. Mana ginauna toghodi mare, eghuteuna mana na tapla faparidi hatimare mae naoka. Eghuteuna mana ginauna toghodi nogna naiknore mala au ka pharikeli ka nodi thofno namono na. Nu iara ginauna eꞌei puhi biꞌo mala thokedi naiknodi Babilonia.”

Profet Jeremaea 51:36

Aonu Lord ne cheke eghu ka naiknodi Jerusalem, “Ghotilo nogu naikno iara ra, iara ginauna phile ka ghotilo, eghuteuna iara ginauna paradi nomi naoka ghotilo teke eidi puhi biꞌo ka ghotilo are. Khoꞌu biꞌodi Babilonia baludi keha khoꞌu biꞌo are ginauna kafe gata.

Profet Maeka 7:9

Tahati tapla jafra neke figri tagruni Lord. Naugna igne mana diꞌatagna ka tahati. Nu ke leghu, mana ginauna phile ka tahati, eghuteuna mana ginauna fadoglidi glepo te diꞌa teke edi noda naoka ka tahati. Mana ginauna atha fajifla ghita ka naphae funu kate romno. Eghuteuna tahati ginauna filoni Lord te doglo fabrahu.

Profet Habaku 2:8

Ghotilo neke aknu falehedi nei goigonidi neku naikno te au ke lamnadi namono biꞌo igre. Naugna igne, iheire te karha teu are ginauna ulu ghami ghotilo mala hata nomi glepo ghotilore.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Ululahu Samuel 24:12

Lord ginauna fate ghita tapa, mala laseni mae ihei ka tapa te jafra na! Nu snakreni Lord mala para nigho iagho eidi glepo te edi iagho ka iara igre, naugna iara ginauna theome eni kaisei glepo te mala goigoni nigho iagho na!

Ululahu Samuel 24:15

Toreni Lord mala fate ghita, nei cheke ranghi ghita, ihei ka tapa te jafra na. Toreni Lord mala fifilo ka puhi igne mala togho ghau nei fasnagla ghau eghu iara ka glepo te eni iagho ka iara igne.”

Ululahu Samuel 25:39

Kate nomhini mae Devet te lehe mae Nabal igne, mana ne cheke eghu, “Iara cheke fakelini Lord! Eigna mana togho ghau iara ne theome eni iara kaisei glepo te diꞌa. Mana kolho teke tughu fapulo unha teke eni mae Nabal ka iara na. Lord ne parani mae Nabal eidi najafra gna thegnare.” Mae Devet ne fatei cheke ka Abigel mala tolaghi repa.