Proveb 22:2 - Buka Blahi Ka Cheke Holo

² Neubane mae dedei ba ne mae kuma, phiamare kaisei nanabau kolho. Lord neke vuavuhadi phiamare gnafa.

Proveb 22:2 Iomraidhean Croise

Thoutonu Eigna Mae Job 31:15

God igne ngala teke vuavuha ghau iara ka thiꞌagna idogu iara na, mana jaola neke vuavuhadi mare ka thiꞌadi idodi re.

Thoutonu Eigna Mae Job 34:19

Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Proveb 29:13

Neubane mae kuma ba ihei te goigonini mae te kuma na, phiamare kaisei nanaba ngala, naugna Lord neke kafe tusu lao tatha ka phiamare te mala filo na.

Ululahu Korin 12:21

Eghume, tatha na theome tangomana te cheke eghu ka khame na, “Iara theome magnahaghe nigho.” Eghuteuna pha'u na jaola theome tangomana te cheke eghu ka phei ghahere, “Iara theome magnahaghe ghami ghopa.”

Ululahu Samuel 2:7

Mana tangomana te fakumani mae te dedei na, eghuteuna mana tangomana te toghoni mae te kuma na mala ke dedei. Mana tangomana te nhaꞌa faparini mae te fahaehaghe na, eghuteuna mana tangomana te nhaꞌa haghedi naikno te nhaꞌa faparidi thedi re.