Proveb 22:15 - Buka Blahi Ka Cheke Holo

¹⁵ Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Proveb 22:15 Iomraidhean Croise

Thoutonu Eigna Mae Job 14:4

Ba, mae ihei gne te tangomana te filoni mae ihei te klino ka tathagna God na? Theo kolho!

Nodi Khoje Hatimare Mae Jiu 51:5

Uve, iagho lase ghauhi iara, iara neke kulu naikno diꞌa neke mei ngala funu karhagu. Puhigu iara na kulu diꞌa neke mei ngala funu ka narane teke theome karha nga teku iara na.

Proveb 13:24

Mae te theome purini thugna na, mana theome namhani thugna na. Nu mae te namhani thugna na, mana farirhiuni thugna na.

Proveb 19:18

Farirhiuni thumu na mala leghuni puhi te doglo na. Thosei lisa laoni mala faleheni thegna ka puhi te diꞌa.

Proveb 20:30

Jame te puphuri iagho mae te eni puhi te diꞌa na, igne mana ginauna figri tagruni puhi te diꞌa na, eghuteuna mana ginauna na kaisei mae keli.

Proveb 29:15

Jame te fadoglini iagho sua na te purini na, sua igne ginauna hata gaoghatho te keli nei glalase eghu. Nu sua te theome fadoglini na, ginau famamajani idogna na.

Proveb 29:17

Jame te fadoglini iagho thumu na, iagho ginauna au blagna nei glealeꞌa eghu.

Jone 3:6

Naugna u thinigna naikno na neke karha kolho ka gaꞌase. Nu u tharungagna naikno na neke karha ka nogna nolaghi Tharunga te Blahi.

Efesus 2:3

Tifa na, tahati te gnafa na neke au jateula mare neku. Tahati neke diꞌa nei leghuni kolho unha te magnahagheni theda na, eigna tahati eni unha thini nei gaoghathoda te magnahagheni. Naugna igne, God nabagna te para ghita jateula keha naikno te theome leghuni mana re eghu.