Proveb 22:11 - Buka Blahi Ka Cheke Holo

¹¹ Mae ihei te au klino fabrahu ka tathagna God na, eghuteuna nogna chekere keli fara teuna, mana ginauna mala kheragna funei.

Proveb 22:11 Iomraidhean Croise

Ululahu Kings 4:5

Mae Asaraea thugna mae Natan, mana mae biꞌodi hatimare mae funei ka provins. Mae Sabud thugna mae Natan, mana mae pris mala tufa gaoghatho ka king.

Nogna Buka Esta 10:3

Eghuteuna mae Modikae maegna Juda igne ne mei fapea mae ka mae King Sekses. Mae Jiu igre ne thofno ghatho tahuni mae Modikae, naugna mana loku heta ranghidi nogna naiknore mala au fakeli nei au kau pharikeli eghu ke lamnagna kantri igne.

Nodi Khoje Hatimare Mae Jiu 101:6

Nu iheire ngala te ghatho brana nigho re nate au balugu iara re. Eghuteuna iheire te doglo puhidire, ginauna loku ranghi ghau iara.

Nodi Khoje Hatimare Mae Jiu 24:4

Uve, ihei te klino nakarhagna na te theome tapla jafra ka nakhibo na, ihei ngala te theome pogho soru ka mumuju, nei ihei ngala te theome nhaꞌa cheke chaichaghi teu igne ngala nafnata naikno te nabagna na.

Nodi Khoje Hatimare Mae Jiu 45:2

King, tutuani iagho kaisei mae famane fara. Theo kaisei ihei nga jateula iagho teuna. Chekemu iagho re thofno keli fara. Eghume God na fablahi nigho fabrahu.

Proveb 14:35

Mae funei na kelitagna fara kate filoni te loku fakeli nogna mae gloku na. Nu mana ginauna diꞌatagna fara ka mae te famamajani mana re.

Proveb 16:13

Mae mala baubatu na kelitagna ka mae te cheke tutuani na.

Proveb 22:12

Lord na batu fakelini cheke te tutuani na, nu nhaꞌa soru pari cheke te chaichaghi na.

Eklesiasti 10:12

Nogna cheke mae te autagna gaoghatho te keli na, naiknore ghatho tahuni mana. Nu nogna cheke mae te fameomekro na, faparini kolho thegna.

Profet Daniel 3:30

Aonu, King Nebukadnesa ne tusu ranghidi mae Sadrak, mae Misak nei mae Abenegho gloku majaghani te ulu tulao ka provins Babilonia.

Matiu 5:8

Keli tadi iheire te thofno namhani God. Naugna mare ginauna au balugna God.

Luku 4:22

Naiknore ne kafe keli tadi fara ka mae Jisas ne jaglo nodi fara ka nogna famane cheke te chekedi mana re, ne cheke eghu, “Tore, mae igne thugna mae Josep kolho!”