Proveb 21:7 - Buka Blahi Ka Cheke Holo

⁷ Puhi mamagra te leghuni mae te diꞌa na, ginauna goigoni ni mana, naugna mana ne tirogna eni kaisei puhi te doglo.

Proveb 21:7 Iomraidhean Croise

Nodi Khoje Hatimare Mae Jiu 7:16

Eghume, najafra teke eni mare igne ginauna nake figri ka thedi. Eghuteuna magra teke eni mare ranghidi keha naiknore igne ginauna jaola nake figri neke fakokhoanadi kolho thedi.

Nodi Khoje Hatimare Mae Jiu 9:16

Lord ne falalase puhigna te doglo na kate fatedi mana naiknore. Naikno te diꞌare ne eꞌei puhi mala goigonidi keha naiknore, nu glepo igre nake figri nake goigonidi kolho thedi.

Proveb 10:6

God tangomana te fablahini naikno te doglo na. Nu cheke gna naikno te diꞌa na, pophoru gaoghatho te diꞌa na mala goigonidi keha naiknore.

Proveb 21:21

Mae te leghuni puhi namha na nei puhi fofodu na teuna, mana ginauna hatini nakarha te keli na nei nafnakno biꞌo na eghu.

Profet Jeremaea 7:15

Eghuteuna iara ginauna kuru fajifla ghami ghotilo ka vido te au teu ghotilo igne, jateula teke kuru fajifladi iara mae kherami ghotilo teke au ke raru Israel tifa ra eghu. Eghuteuna ghotilo ginauna tei koko ghau iara, eghuteuna iara na theome ke filo ari ghami ghotilo.’ ”

Profet Esikiel 18:18

Nu naugna kmagna mana igne paradi koba naikno re, nei blau koba, nei edi koba glepo diꞌa re ka nogna naikno re, eghume mae kmagna mana igne ginauna mala lehe ka nakhibogna thegna re.

Profet Emos 5:7

Ghotilo mae iheire te paradi naikno te doglo puhidira, eghuteuna ke tughu ka puhimi themi te diꞌare teura, fanomho mei ka iara!

Efesus 5:6

Ghotilo thosei snakreni kaisei naikno te mala chaghi ghami ka cheke te theome tutuani are. Tutuani fara, God ginauna na fatedi naikno te theome leghuni mana nu leghudi puhi te diꞌa igre teuna.