Proveb 21:30 - Buka Blahi Ka Cheke Holo

³⁰ Gaoghatho te keli, nei glalase te keli eghuteuna iagho laseni puhi te keli te mala horo glepo na teuna, igne theome naba te mala togho nigho kakatha na, jame te naoka iagho ka Lord na.

Proveb 21:30 Iomraidhean Croise

Fapea Samuel 11:9

Nu mae Uraea ne theome tei ka nogna suga na. Mana thuru baludi mae te reireghi gna nogna suga biꞌo mae king na.

Ululahu Kings 14:6

Kate nomhini mae Ahaeja te nolo te mei ka grengatha na, mana ne cheke eghu, “Mei suga sagho. Iara lase nigho iagho khetogna King Jeroboam kolho. Naugna unha sagho te mei chaghi ghau iara gnea? Iara au kaisei thoutonu diꞌa ranghi nigho iagho.

Fapea Kings 6:12

Kaisei mae biꞌo ne cheke eghu, “King, theo kaisei mae ka ghehati te tangomana te eni nafnata puhi igne. Nu mae Elisa, mae profet gna Israel igne kolho te cheke ranghini king gna Israel gobigna lepo te magnahaghei edi tahati re. Neuba iagho ne cheke neu lamna ka nou chogho mala thuru na, mana laseni ngala.”

Thoutonu Eigna Mae Job 41:2

Iagho theome tangomana te haru gnarho ka nehugna na, ba fakhale thagho ka foflogna na.

Proveb 19:21

Naiknore tangomana te gaoghatho te mala edi kmana nafnata glepo. Nu glepo te ghathoni Lord mala eni teu igne ngala nate kegra na.

Eklesiasti 6:10

Gobigna lepo te filodi tahati gognaro igre God neke lilisei nanghadi. Eghuteuna God na neke kulu lasedihi puhida tahati naiknore. Eghume, tahati theome tangomana te fapholai balugna God mae ihei te rheta ulu ghita igne.

Profet Isaia 14:27

Lord mae ihei te au nolaghi fateote'o igne la ghathonihi unha te mala eni na, theo kaisei naikno nate fanograni mana na. Eghuteuna kate ngafa haghe mana khamegna na te mala paradi naiknore, theo kaisei naikno jaola nate fanograni mana na.

Profet Isaia 36:5

Iagho jame ne mae nheta themu ne laseni puhigna magra na eghu, nu iagho fiti cheke nou kolho. Ba, ihei gne te ronuni iagho nate togho nigho kate mei magra ka iara na?

Profet Isaia 45:9

Tore! Kokhoni ghami fara ghotilo iheire te fapholai balugna God mae ihei teke vuavuha ghami ghotilo ra! Ghotilo jateula kaisei vido suspen tela phosahi ra eghu, la jateula keha vido suspen tela kokohi ka chara ra eghu. Ba? Glose teke horo suspen mana igne tangomana te ghusna eghu ka mae teke hohorogna na, “Unha site eni iagho ignea teuna?” Ba? Glepo igne tangomana te cheke eghu ka mana na, “Iagho theome lase horo suspen kolho teuna?”

Profet Jeremaea 9:23

Lord ne cheke eghu, “Ihei te lalase na thosei fahaehagheni nogna glalase na. Eghuteuna ihei te nheta na thosei fahaehagheni nogna nanheta na. Eghuteuna ihei te dedei na thosei fahaehagheni nogna dedei na.

Profet Jona 1:13

Nu mae te loku ka vaka na igre ne tirodi te eni igne, aonu mare fariu riu ghorha vaka na tei mata. Neuba, mare theome tangomana, naugna nuri na nheta fara eghuteuna thongna na jaola malu fara.

Mae Khuru 5:38

Eghume te chekeni iara ka ghotilo gognaro na, ‘Au fadelei ka mae igre.’ Jame te nodi gaoghatho thedi kolho unha te eni mare igne na, puhi tuana ginauna lao theo nafugna kolho.

Mae Khuru 5:39

Nu jame teke funu ka God na, ghotilo ginauna theome tangomana te lhotidire. Na eghunu magra ghotilo ka thegna God eghu.” Hatimare mae mala fate ne leghuni unha te chekeni mae Gamalio na.

Josua 2:2

Kate nomhi mae funeigna Jeriko igne te mei au phei mae igre ke lamnagna namono na te mala filo glani vido igne,

Ululahu Pita 2:8

Eghuteuna ka keha grioriso te blahi na cheke eghu, “Naiknore ginauna totokhei ka thina igne. Eghuteuna mare ginauna na uka ka thina igne.” Mare uka naugna mare ne theome leghuni unha te chekeni God na. Igne unha te ghathoni God te maladi mare na.