Proveb 21:21 - Buka Blahi Ka Cheke Holo

²¹ Mae te leghuni puhi namha na nei puhi fofodu na teuna, mana ginauna hatini nakarha te keli na nei nafnakno biꞌo na eghu.

Proveb 21:21 Iomraidhean Croise

Nodi Khoje Hatimare Mae Jiu 112:4

Ihei te leghuni puhi te keli na, nei kokhonidi keha naiknore, nei keli nei doglo teuna, mana jateula juta te phae fabiꞌo ka gromno ia eghu.

Proveb 10:16

Mae te doglo na hata nakarha te keli jateula nogna taba eghu mana. Nu mae te diꞌa na ginau eni fabrahu puhi te diꞌare ka nakarhagna na.

Proveb 11:19

Ihei te heta ghegna te leghuni puhi te doglo na, ginauna karha. Nu ihei te heta ghegna te leghuni puhi te diꞌa na, ginauna lehe.

Proveb 15:9

Lord na theome magnahagheni puhigna mae te diꞌa na. Nu mana namhadi iheire te leghuni puhi te doglo na.

Proveb 22:4

Jame te au fapari nigho themu nei ghatho tahuni Lord teuna, iagho ginauna dedei, fnakno nei au ka nakarha te keli.

Proveb 3:22

Gaoghatho te keli nei glalase teu igre ginauna tusu ranghi nigho nakarha te keli, eghuteuna nakarhamu iagho na thofno keli fara fifilo gna na.

Profet Isaia 51:1

Lord ne cheke eghu, “Ghotilo iheire te fariuriu leghuni puhigu iara te doglo igne ra, fanomho mei ka iara! Uve, ghotilo ghathodi kuꞌemi Ebraham ghe kavemi Sera tifa ra. Ghotilo neke karha mei ka vikedi repa. Ka narane teke kiloni iara mae Ebraham na, mana neke theo thugna. Nu iara neke fablahini mana neke au kmana thugna fara.

Profet Hosia 6:3

Gognarona tahati mala fariuriu mala lase fakelini Lord nei leghuni mana fabrahu. Tutuani, mana ginauna mei ka tahati jateula naprai te phage haghe hamerane boibongi ra eghu. Eghuteuna mana ginauna mei mala fakelidi nakarhada tahati gre. Mana ginauna na jateula narane te soru mei nakhete te mala faboubothudi glose ra eghu.”

Matiu 5:6

Keli tadi iheire te magnahagheni fara te eni unha te keli te magnahagheni God. Naugna God ginauna toghodi mare te mala eni igne.

Letas Teke Riso Tei Mae Pol Ka Khiloau Rom 14:19

Eghume tahati mala thofno fariuriu edi unha te tangomana te mala togho ghita te gnafare mala au ka pharikeli nei mala heta ka fatutuani.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Filipae 3:12

Iara theome chekeni nakarhagu ka mae Jisas Kraes na la gnafahi teuna. Theo! Nu gognaro na iara loku heta te mala hatagna u taba tela kulu tarabanahi mana malagu iara teku ia.

Ululahu Tesalonika 5:21

Nu fariuriudi gobigna lepo fateote'o. Loku famaku ka unha te keli.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Fapea Timoti 2:22

Au fadelei ka glepo te diꞌa te magnahaghedi naikno majaghani are. Hati nhetamu na mala au doglo nei mala heta nou fatutuani na ka Lord, namhadi naiknore, eghuteuna au fakeli baludi thofno naikno khiloau te gnafare.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.