Proveb 21:20 - Buka Blahi Ka Cheke Holo

²⁰ Mae te autagna gaoghatho te keli na au kmana glepo ka suga na, mae te fameomekro na fahuhui gobigna lepore.

Proveb 21:20 Iomraidhean Croise

Thoutonu Eigna Mae Job 20:15

Glepo teke blau igre, jateula ghegna gano eghu mana, nu mana ginauna nake luꞌa tagna. Uve, God ginauna eni mae igne mala luꞌani nafnata gano igne.

Thoutonu Eigna Mae Job 20:18

Eghuteuna mana ginauna theome khotogna kaisei glepo te keli teke loku teke kmusadi mana re. Eghuteuna theo kaisei narane kolho te glealeꞌa mana ka nogna gobigna lepo te keli re.

Nodi Khoje Hatimare Mae Jiu 112:3

Tharaknagna mana na ginauna dedei fara nei au nodi kmana glepo te keli eghu. Eghuteuna mae te doglo ke ulugna Lord ginauna au fakeli nogna fabrahu tifa e tifa.

Nodi Khoje Hatimare Mae Jiu 23:5

Iagho tarabana kaisei gaghamu biꞌo malagu iara ka tathadi nogu naokare. Iagho taji fakeli ghau iara jateula kaisei mae biꞌo eghu ka suga muna. Eghume nogu glealeꞌa iara na thono biꞌo fara jateula kaisei kapu khoꞌu te fodu te salauꞌi ra eghu.

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Proveb 14:24

Te lalase iagho na, iagho ginauna dedei. Nu te fameomekro iagho na, naiknore ginauna laseni te fameomekro.

Proveb 15:6

Mae te keli na, au nogna kmana glepo. Nu naikno te diꞌa na tabani kolho ka puhi te diꞌa.

Proveb 22:4

Jame te au fapari nigho themu nei ghatho tahuni Lord teuna, iagho ginauna dedei, fnakno nei au ka nakarha te keli.

Proveb 8:21

Ihei te namha ghau iara na, mana ginauna dedei fara, eghuteuna mana ginauna au nogna kmana glepo ka sugagna na.

Eklesiasti 10:19

Gano te keli na mala maꞌe naikno na, eghuteuna waen na mala fagleꞌa naikno, eghuteuna sileni na mala edi thua nafnata gloku.

Eklesiasti 5:19

Kate tusu lao God kmana glepo te keli ka kaisei mae na, mae igne ginauna kelitagna fara ka glepo igre. Uve, nabagnau mae igne te glealeꞌa ka nakarhagna nei ka nogna gloku teure. Naugna igne kaisei khokofakasai mei funu ka God.

Eklesiasti 7:11

Gaoghatho te keli nei sileni eghu teke hata kasa iagho ka mae kmamu na tangomana te togho ka nakarhamu na.

Profet Jeremaea 41:8

Nabotho mae igre ne cheke eghu ka mae Ismael, “Iagho thosei aknu falehe ghami ghehati! Ghehati au keha wit, bali, oliv oel, nei jurukuli.” Kate nomhini igne, mae Ismael ne theome aknu falehedi mare, nu mana ne snakre teidi mare.

Matiu 25:8

Thau te theome lalase igre ne cheke eghu ka thau te lalase re, ‘Famei keha nomi keraseni. Nomi juta ghehati gre namo lehe.’

Luku 15:14

Kate koko fahui mana gobigna lepo teke khotodi thegna re, narane behu te kafe theome naba gano heva heva ka namono te kmana re ne thokei mei. Mae sitei na ne rofo ne magnahaghei sileni.

Luku 16:1

Mae Jisas jaola ne cheke eghu ka nogna mae fanomhore, “Kaisei mae dedei, mana au kaisei mae mala reireghidi nogna glokure. Mare mei ne fathoethoke ka mae te dedei na, naugna nogna mae funei gloku mana na ne fadidiꞌa la nogna sileni mana re.

Luku 6:45

Jateula igne eghu, naikno te keli na, mana fodu ka gaoghatho te keli ka nagnafagna na. Mana edi koba glepo te kelire. Nu naikno te diꞌa na fodu ka gaoghatho te diꞌa ka nagnafa gna na, mana edi koba glepo te diꞌare. Naugna glepo te diꞌare te fodu ka nagnafagna mana tuare ngala te jifla mei ka chekegna mana re.”