Proveb 21:11 - Buka Blahi Ka Cheke Holo

¹¹ Te purini mae ihei te maꞌeni naikno na, mae te theome lalase na ginauna hata gaoghatho te keli ka tuana. Te cheke faheta ka mae te autagna gaoghatho te keli na, mana ginauna lalase fara salaꞌui.

Proveb 21:11 Iomraidhean Croise

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Proveb 15:14

Mae te hiro glalase na, mana loku heta mala atha glalase. Nu mae te theome autagna gaoghatho te keli na, mana lase cheke fameomekro fara.

Proveb 18:1

Mae te ghamu nhoto na ghathoni thegna kolho, eghuteuna mana tirognani gaoghatho te keli na.

Proveb 18:15

Mae te autagna gaoghatho te keli na, mana loku heta mala lasedi gobigna lepore. Mana tangomana te fanomho fakeli ka mae ihei te magnahaghei farirhiuni mana na.

Proveb 19:25

Te puphuri iagho mae te theome fanomho na, mana ginauna laseni puhi te keli na. Te cheke faheta iagho ka mae te autagna gaoghatho te keli na, nogna glalase mana na ginauna keli salaꞌui.

Proveb 9:7

Te fadoglini iagho mae te fahaehaghe na, mana ginauna cheke fadiꞌa nigho iagho. Eghuteuna te cheke faheta iagho ka mae te diꞌa na, mana ginauna tuti nigho iagho.

Proveb 9:9

Te farirhiuni iagho mae te autagna gaoghatho te keli na, gaoghathogna mana na ginauna thofno keli fara. Farirhiuni mae te doglo na, mana ginauna lalase salaꞌui.

Naba 16:34

Naikno te gnafa Israel re ne rikha kate nomhidi tanhidi mare re. Mare ne eha eghu fabiꞌo, “Rikha noda! Glose igne jaola na tomno ghita tahati!”

Mae Khuru 5:5

Kate nomhini igne, mae Ananias khoko soru ke ulugna mae Pita ne lehe. Aonu naikno te gnafa te nomhini igne ne mhaghu nodi fara.

Diutronomi 13:11

Aonu kate eni iagho igne na, naikno te gnafa Israel igre ginauna nomhini igne na mhaghu nodi fara. Eghume ginauna na theo kaisei ka ghotilo na teke eni puhi te diꞌa igne na.

Diutronomi 21:21

Eghume nabagna na maegna ka namono igne fada faleheni mana ka thina mala ghilei lehe mana. Ka puhi igne, ghotilo ginauna fahuhui puhi te diꞌa igne ke lamnami ghotilo. Aonu kate nomhini igne, naiknodi Israel igre ginauna mhaghu nodi fara.”

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.