Proveb 21:10 - Buka Blahi Ka Cheke Holo

¹⁰ Mae te diꞌa na magnahagheni fara puhi te diꞌa na, mana theome keli ranghini kheragna fofodu na.

Proveb 21:10 Iomraidhean Croise

Nodi Khoje Hatimare Mae Jiu 112:5

Ihei te eni bisnis ka puhi te doglo na, nei snakreni kaoni na ka keha naiknore teuna, mae igne keli tagna fara.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Nodi Khoje Hatimare Mae Jiu 36:4

Kate thuru teu ka sape na, mana hironi kolho nabrou te mala eni puhi te diꞌa na. Mana leghuni kolho nabrou te diꞌa na, nei mana theome tangomana te figri tagruni puhi te diꞌa na.

Proveb 12:12

Mae te diꞌa na magnahagheni kolho puhi te diꞌa na. Nu mae te doglo na ginauna kegra heta fabrahu.

Proveb 14:21

Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Proveb 2:14

Mare kelitadi ka thua glepo te diꞌa fateote'o, eghuteuna leghuni puhi te diꞌa na.

Proveb 21:13

Jame te theome fanomho iagho ka naikno te kumare, ginauna na theo kaisei naikno nate fanomho la ka iagho na.

Proveb 21:9

Te keli na iagho tei au sopa fabrahu ke parigna gaju biꞌo te famane jemnu na, uluni te au iagho lamna suga balugna khetomu te fapholai fabrahu na.

Proveb 3:29

Thosei goigonini kheramu fofodu te au rhemui na, naugna mana rouronu kolho ka iagho.

Ululahu Korin 10:6

Glepo igre jateula te cheke faheta eghu ranghi ghita tahati. Tutuani, glepo igre farirhiu ghita mala thosei magnahaghedi fara tahati glepo te diꞌare jateula kuꞌeda tifa tuare eghu.

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Ululahu Jone 2:16

Igre glepo diꞌa ka nauthoglu igne: magnahaghei glepo diꞌa te keli tagna thini, magnahaghei glepo diꞌa te filoni ka tatha, nei fahaehaghedi fara eidi glepo te au tada. Nu glepo igre funudi ka puhigna nauthoglu igne, theome funudi ka God Mama.