Proveb 21:1 - Buka Blahi Ka Cheke Holo

¹ Lord na batuni khoꞌu na mala tei ka vido aheva te magnahagheni mana na. Jateula tuana eghu, mana batuni gaoghathogna mae funei na.

Proveb 21:1 Iomraidhean Croise

Fapea Kings 19:33

Iara Lord, iara ginauna theome snakreni mana te ruma mei ka namono igne. Eghuteuna mana ginauna nake figri ka nogna namono na leghuni nabrou teke mei gna na.

Esra 1:1

Ka finogha ululahu King Saeras gna Pesia te funei fruni Babilonia igne, king neke uluni namono biꞌo Babilonia. Lord ne loku ka nagnafagna king igne mala eni kaisei vetula. Nogna sekretri mana re ne rioriso soru vetula igne, eghuteuna mana ne fateitei nonomho igne heva heva ka vido te gnafa te funei frunidi mana igre, mala iu'iju soru ka naiknore. Lord neke eni igne, mala thoke mei tutuani chekegna Lord teke chekeni Profet Jeremaea igne:

Esra 1:2

“King Saeras gna Pesia neke cheke eghu: “ ‘Lord, God gna kligna, mana neke vahi ghau iara mala funei frunidi kantri te gnafa ka nauthoglu igne. Eghuteuna mana neke jaola neke vahi ghau iara mala ke babana fapulo nogna Sugablahi mana igne ka namono Jerusalem, te au ka kantri Juda.

Esra 6:22

Ka fitu narane igre, mare ne thofno glealeꞌa fara, eghuteuna mare ne eni Gaghamu biꞌo eigna Bret te Theo Isi gna na. Mare glealeꞌa naugna Lord neke loku ka nagnafagna king gna Asiria, mala toghodi mare mala ke babana fapulo nogna Sugablahi nodi God mae Israel.

Nehemaea 1:11

Lord, fanomho ka nogu tharai iara gne nei ka nodi tharai nou naikno gloku iagho te magnahaghei ghatho tahuni nanghamu iagho gre. Togho ghau gognarogne, mala tangomana king te kokhoni ghau iara na, nei mala eni mana unha te toreni iara na eghu.” Ka narane tuare, iara kaisei nogna mae biꞌo king mae ihei te rouronu ghau iara fara, eghuteuna iara thegu kolho te tangomana te reireghidi ghegna waen mana re.

Nehemaea 2:4

King nomhini cheke igne ne ghusna eghu ka iara, “Unha te magnahagheni iagho na mala togho nigho iara?” Aonu iara ghosei ne tarai ka God gna Kligna,

Nehemaea 2:8

Iara jaola toreni king mala rioriso kaisei letas ka mae Asaf, mae ihei te mala fiofilodi gaju ka nogna namhata king re, mala alha thaba mala ke horo fakeli grengathagna vido mala toetoegna nogna Sugablahi God, baludi grengathagna namono igne, eghuteuna mala jaola eni kaisei suga mala au iara. King ne famei ka iara gobigna lepo teke toredi iara re, naugna God na au balugu iara.

Nogna Buka Esta 2:17

Kate tei Esta ka king na, mana filoni Esta ne magnahagheni fara ke tulaodi keha gaꞌase teke kulu tei filoni mana igre. Aonu mana ne lisei lao khepi nafnakno na ka phaꞌugna Esta na mala tughuni Kuin Vasti.

Nodi Khoje Hatimare Mae Jiu 105:25

Lord ne faꞌeiꞌeidi naiknodi Ijep mala susukudi nogna naiknore. Mare hiro phoge te mala paradi nogna naikno mana re.

Nodi Khoje Hatimare Mae Jiu 106:46

Mana neke fifigri gaoghathodi mae naoka te funei frunidi nogna naiknore mala kokhonidi.

Nodi Khoje Hatimare Mae Jiu 114:3

Kate mei God na, Thongna Ukru na neke fnota pea. Uve, khoꞌu Jordan neke jaola neke theome loloro keligna.

Nodi Khoje Hatimare Mae Jiu 114:5

Thongna Ukru, naugna unha si teke fnota pea iagho ia? Khoꞌu biꞌo Jordan, naugna unha si teke theome loloro fakeli iagho ia?

Nodi Khoje Hatimare Mae Jiu 74:15

Glokha nei khoꞌu biꞌo eghu teke kafe khaprahi re iagho neke fafuafura haghedi, eghuteuna khoꞌu biꞌo teke theome khapra funu tifare, iagho neke fakhapradi.

Nodi Khoje Hatimare Mae Jiu 93:4

Nu iagho funei teu kligna na thono haghe salaꞌudi fara oa'onghadi nhorora gre. Uve, nou nolaghi iagho na thono biꞌo salaꞌudi fara nodi nolaghi nhorora gre.

Eksodas 7:3

Neuba iara ginauna edi kmana kofubobhoi biꞌo agne Ijep mala filo mana, iara ginauna eni king igne mala patugama, nei theome fanomho eghu ka gho.

Proveb 16:1

Naikno na tangomana te ghaoghaho ka nagnafagna na. Nu Lord kolho tangomana te chekeni uve teuna.

Proveb 16:9

Tahati tangomana te ghathoni unha te magnahagheni na. Nu Lord saghe leghudi puhida tahati re.

Proveb 20:24

Lord na lasedihi puhidi naikno te gnafa re. Nu theo kaisei naikno te thofno laseni nakarhagna thegna na.

Profet Isaia 43:19

Ghotilo filo ka glepo majaghani te edi iara gognaro igre! Iara ginauna eni kaisei nabrou mala tei ke lamna namono nagou, eghuteuna khoꞌure ginauna loloro soru ka vido te krogha.

Profet Isaia 44:27

Kate cheke iara na, nhorora nei khoꞌu biꞌo teu igre ginauna krango dofidi.

Profet Jeremaea 39:12

“Ghotilo tei filoni mae profet Jeremaea mala reireghi fakelini mana. Thosei parani, nu eni ranghini unha te chekeni mana na.”

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Mae Khuru 7:10

nei fakarhini ka puhi biꞌo te gnafa teke edi mana re. God jaola neke tusu ranghini glalase te keli mala tangomana mae King Fero te magnahagheni mana na. Eghuteuna mae King Fero neke vahini mana mala mae gavana gna Ijep, nei mala reireghidi la naikno te gnafa ke lamnagna nogna suga biꞌo na.

Thakle 16:12

Aonu fafamno engel na ne tei ne totofa nogna dis na ke kligna khoꞌu biꞌo te kiloni Iufretis. Eghuteuna khoꞌu na ne khapra. Eghume te khapra igne kaisei nabrou mala teidi hatimare mae king di ke maghatire.

Thakle 16:4

Aonu fatilo engel na ne tei ne totofa nogna dis na ke kligna khoꞌu ba glokha. Eghuteuna khoꞌu nei glokha teure jaola ne kafe dadara.