Proveb 20:8 - Buka Blahi Ka Cheke Holo

⁸ Kate gnokro mae funei na te fateni naikno na, mana tangomana filodeni unha te keli na, nei unha te diꞌa na.

Proveb 20:8 Iomraidhean Croise

Fapea Samuel 23:4

king igne jateula naprai te thakle haghe hamerane ra eghu. Mana jateula naprai te phae kate aho nakhete, te kotu haghe buburu ra eghu.’

Ululahu Kings 7:7

King Solomon jaola ne horo chogho gna sape nafnakno te kiloni mare, “Chogho mala Fate.” Ka chogho igne te mala gnokro King Solomon te mala fanomho ka nodi cheke naiknore. Mare horo gringni gna na ka thaba sida, funu pari tei posa kligna.

Nodi Khoje Hatimare Mae Jiu 72:4

Te keli na jame mae king tangomana te fadoglidi puhidi iheire te kuma, nei toghodi naikno te theo kaisei nodi glepo. Eghuteuna tapla sorudi iheire te magnahaghei goigonidi keha naiknore.

Nodi Khoje Hatimare Mae Jiu 92:9

Ghehati thofno laseni, iheire te naoka ranghi nigho iagho re, mare ginauna lehe. Uve, iagho ginauna tapla sorudi hui naikno te diꞌare.

Nodi Khoje Hatimare Mae Jiu 99:4

Iagho nomi King ghehati, eigna iagho ngala te au nolaghi na. Iagho leuleghu fata na magnahaghei puhi te doglo na. Eigna iagho themu ngala te tusu mei puhi te doglo igne mala fateni naiknogna kantri ghehati igne.

Proveb 16:12

Mae mala baubatu na theome magnahagheni puhi te diꞌa na, naugna puhi te doglo na kolho te mala kegra maku gavman na.

Proveb 20:26

Mae funei te au tagna gaoghatho te keli na, mana laseni naikno te diꞌa na, eghuteuna mana ginauna para fadiꞌani naikno tuana.

Proveb 25:5

Hata koko mae te diꞌa te farirhiuni king ka puhi te diꞌare, eghuteuna king ginauna tangomana te eni kantri igne mala kaisei famane namono mala au.

Proveb 29:14

Kate fatedi mae funei na naikno te kuma gre ka puhi te doglo na, mana ginauna tangomana te batudi fabrahu nogna naiknore.

Profet Isaia 32:1

Kaisei king ginauna funei ka puhi te thofno doglo fara. Eghuteuna nogna mae funei re ginauna jaola funei ka puhi te doglo.

Matiu 12:30

“Tutuani, mae ihei te theome leghu ghau iara na, mana tirogna ghau iara. Eghuteuna mae ihei te tirogna togho ghau iara te mala hata meidi naiknore ka God na, mana jateula te brue fadeleidi eghu naiknore ka God.