Proveb 20:3 - Buka Blahi Ka Cheke Holo

³ Naiknore ghatho tahu nigho jame te theome magra iagho na. Nu naikno te fameomekro na kolho te ghosei te magra na.

Proveb 20:3 Iomraidhean Croise

Jenesis 13:8

Aonu mae Ebram ne cheke eghu ka mae Lot, “Theome keli te au mei kaisei magra fari hoteida tapa nei fari hoteidi noda mae gloku gre teuna. Naugna tapa gne kaisei vike ngala.

Fapea Kings 14:9

Nu King Jehoas ne cheke eghu ka mana, “Kaisei fata, kaisei phono gna Lebanon ne fatei cheke ka kaisei gaju biꞌo gna Lebanon, ne cheke eghu, ‘Iagho snakreni thumu gaꞌase na mala tolaghi ka mae thugu nalhaꞌu iara gne.’ Nu kaisei bosu mhata gna Lebanon khale ka gnarho igne ne klopa.”

Proveb 14:17

Mae te ghosei te diꞌatagna na, mana tangomana te eni puhi te fameomekro na. Eghuteuna naiknore tirodini mae te ghaoghaho eigna puhi te diꞌa na.

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Proveb 16:32

Mae te theome ghosei te diꞌatagna na, mana nheta salaꞌuni mae soldia te nheta fara na. Mae te saghe leghuni diꞌatagna na, mana keli fara salaꞌuni mae ihei te magra heta te uluni kaisei namono biꞌo na.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Proveb 18:6

Nogna cheke mae te fameomekro na mala faripholai ka keha mae na. Eghuteuna kate nomhini mare nogna cheke manare, mare magnahaghei te magrini mana.

Proveb 19:11

Mae te autagna gaoghatho te keli na, mana theome tangomana te ghosei te diꞌatagna na. Eghuteuna mana theome ghathoni najafra teke eni keha mae na ranghini mana na.

Proveb 21:24

Mae te fahaehaghe fara nei cheke fadiꞌadi naiknore teu igne, nanghagna na, “Phaꞌu boto.”

Proveb 26:17

Kate farore iagho ka nodi fapholai keha naiknore, iagho jateula te korho ka khuligna khuma na ia eghu.

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Jemes 3:14

Nu jame kaisei mae ne lalasehi eghu ka gaoghathogna thegna na, eghuteuna fodu ka puhi goghotu nei fangiringiri ka kheragna fofodure, ba ghathoni kolho thegna teuna, mana theome mae glalase, nu mana kaisei mae chaichaghi kolho.

Jemes 4:1

Kheraguro, naugna unha site magra koba ghotilo fari themi gnea? Ghotilo magra koba fari themi naugna nafnata gaoghatho te magnahaghei glepo malami themi kolho igne site biꞌo ka nagnafami ghotilo grea.