Proveb 20:28 - Buka Blahi Ka Cheke Holo

²⁸ Mae funei te ghatho tahudi nogna naiknore, eghuteuna batudi ka puhi te doglo teuna, mana tangomana te batudi fabrahu nogna naiknore.

Proveb 20:28 Iomraidhean Croise

Nodi Khoje Hatimare Mae Jiu 101:1

Lord God, iara ginauna kojeni kaisei khoje eigna puhi te magnahaghei tathaji iara nogu nhaꞌa chekere ka iagho.

Nodi Khoje Hatimare Mae Jiu 21:7

Nomi king ghehati gne thofno fatutuani ni Lord. Eghuteuna mana ginauna kegra maku fabrahu naugna God ka maloa kligna thofno namhani fara nei taji fakelini eghu mana.

Nodi Khoje Hatimare Mae Jiu 26:1

Lord, kilo ghau iara kaisei mae te doglo ka tathamu na sagho, naugna iara ne eni koba puhi te magnahaghedi iagho re nei iara fatutuani nigho koba neu.

Nodi Khoje Hatimare Mae Jiu 40:11

Lord, kokhoni ghau iara koba sagho! Reireghi ghau iara fabrahu! Iara tore nigho iagho te mala eni igne naugna iara lase nigho iagho te namha ghau nei tajini teu fabrahu nou u nhaꞌa cheke na.

Nodi Khoje Hatimare Mae Jiu 61:7

God, iagho tangomana te snakreni mana te mala funei fruni fabrahu ke ulumu iagho. Lord, tore nigho mala bara fothini mana! Naugna te laseni iara na iagho namhani mana nei tajini fabrahu eghu nou nhaꞌa cheke na.

Proveb 16:12

Mae mala baubatu na theome magnahagheni puhi te diꞌa na, naugna puhi te doglo na kolho te mala kegra maku gavman na.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Proveb 29:14

Kate fatedi mae funei na naikno te kuma gre ka puhi te doglo na, mana ginauna tangomana te batudi fabrahu nogna naiknore.

Proveb 3:3

Thosei koko puhi te namhadi naiknore eghuteuna keli ranghidi fabrahu. Fakakhana ka nakarhamu na jateula kaisei babaꞌo eghu tathaji ka nagnafamu na.

Profet Isaia 16:5

Aonu ka narane igne, kaisei mae king majaghani ginauna karha mei ka vikegna mae King Devet. Mana ginauna ghatho tahudi fabrahu nogna naiknore, eghuteuna naiknore ginauna fatutuani ni mana. Mana ginauna ghosei eni glepo te keli na, eghuteuna mana na fatedi naiknore ka puhi te doglo.

Profet Daniel 4:24

“King Nebukadnesa, igne gaoghathogna nou mifi iagho na. God mae ihei te fnakno kligna lahu igne, mana neke fakakhana unha nate thoke mei ka iagho na.