Proveb 20:26 - Buka Blahi Ka Cheke Holo

²⁶ Mae funei te au tagna gaoghatho te keli na, mana laseni naikno te diꞌa na, eghuteuna mana ginauna para fadiꞌani naikno tuana.

Proveb 20:26 Iomraidhean Croise

Fapea Samuel 12:31

Eghuteuna mana ne hata naikno gna namono igne mala loku jateula naikno sneka eghu ka thua nafnata gloku fateote'o. Kehare mala loku ka saw nei nhirama mala kato thaba nei thina, keha ka mare mala horo brik. Mae Devet edi thua nafnata gloku igre ka naikno te au ka namono te gnafa ka kantri Amon. Ke leghudi igre, mae Devet baludi nogna soldiare neke figri Jerusalem.

Proveb 20:8

Kate gnokro mae funei na te fateni naikno na, mana tangomana filodeni unha te keli na, nei unha te diꞌa na.

Thoutonu Eigna Rut 3:2

Fanomho fakeli ka iara iagho ia! Boas, mae funei te loku teu iagho baludi nogna gaꞌase gloku na are, naꞌa kaisei vike ngala ka mae biꞌo teke tolaghi iara ia. Eghume mana ngala tangomanau te tolaghi ka iagho na. Ginau bongi na mana na tei ka vido te mala fifliti khunedi balire.