Proveb 20:18 - Buka Blahi Ka Cheke Holo

¹⁸ Kulu hata gaoghatho te keli ka keha naiknore, eghuteuna nou gloku iagho na ginauna keli fara. Jame te magnahaghei te tei magridi mae naokare teuna, iagho kulu hata ghaoghatho fakeli.

Proveb 20:18 Iomraidhean Croise

Ululahu Kings 1:12

Jame te magnahaghei fakarhini iagho nakarhamu na, nei nakarhagna thumu Solomon gne teuna,

Fapea Kings 18:20

ne cheke eghu, “Ka cheke kolho te chekeni iagho ne nhetahi themu teuna, ba ne laseni farahi themu puhi gna magra na neu sagho ia? Ba, ihei gne te ghathoni iagho nate togho nigho kate magra ka iara na?

Proveb 11:14

Kantri te theome fanomho ka farirhiu na, kantri igne ginauna groꞌe dofini. Nu kantri te fanomho ka kmana farirhiu na, kantri igne ginauna kegra heta.

Proveb 15:22

Jame te magnahaghei edi iagho keha gloku na, iagho kulu atha gaoghatho ka keha mae are, eghuteuna nou gloku iagho na ginauna thofno keli fara. Nu jame te theome eghu iagho na, iagho ginauna fiti kmusa kolho.

Proveb 24:6

Ihei te magnahaghei magra ka keha kantri na, mana kulu ghaoghatho fakeli. Te magnahaghei uluni mana magra na, fanomho ka kmana farirhiu te keli.

Proveb 25:8

Kate filoni iagho glepo te diꞌa na, iagho thosei faghose tei ka fate mala cheke fajiflani glepo igne. Glahu keha mae na chekeni ne jafra iagho teuna, eghuteuna iagho ginauna na mamaja nou.

Luku 14:31

“Jame kaisei mae King au nabotho thogha mae tarabana mala tei magra ka keha mae King te au varadaki thogha mae, mana ginauna na kulu lase fakelini glahula me nheta ngau nabagna te mala tapla faparini keha mae King na.

Jajis 19:30

Iheire te filoni glepo igne ne cheke eghu, “Tore! Funu ka narane teke jifla Ijep kuꞌeda tahati tifa ra te ghilei mei posa ka narane gognarogne, theo kaisei glepo teke eni jateula igne teuna. Tahati ghathoni glepo igne. Uve, tahati na eni kaisei glepo eigna puhi biꞌo igne!”

Jajis 20:18

Ame tei nga ka magra teuna maedi Israel igre ne tei Betel mala toreni God, mare ne tarai eghu, “Ihei ka ghehati nate tei magra ka vikegna Benjamin igne?” Lord ne cheke eghu, “Vikegna Juda nate batu ghami ghotilo na.”

Jajis 20:7

Ghotilo maemi Israel te au teu igre, ghotilo mala ghathoni gognarogne unha nate eni ka maedi Gibea igre!”

Jajis 9:29

Jame te keli na iara mala noda lida tahati naugna iara tangomana te fagnafani kolho funei Abimelek. Iara ginauna cheke eghu ka mana, ‘Iagho kilo meidi nou soldia iagho are mala mei magra ka ghehati!’ ”