Proveb 20:16 - Buka Blahi Ka Cheke Holo

¹⁶ Jame kaisei mae nhaꞌa cheke mala foli falehe nogna kaoni mae phosa na, te theome leghuni mana nogna nhaꞌa cheke na, iagho atha nogna pohe mana na ghilei ke eni mana nogna nhaꞌa cheke na.

Proveb 20:16 Iomraidhean Croise

Proveb 11:15

Nhaꞌa cheke te eni iagho te mala tughu nogna kaoni keha naikno na, iagho ginauna au papara. Nu iagho figri tagruni nafnata nhaꞌa cheke igne.

Proveb 2:16

Jame khetogna keha mae na cheke famaemahe ka iagho, gaoghatho te keli na ginauna bara nigho, eghuteuna iagho ginauna theome leghuni nogna cheke gaꞌase igne.

Proveb 20:15

Nogna cheke mae te fodu ka gaoghatho te keli na uludi fara gol, buli nei daemon.

Proveb 20:17

Ulu lahu na, gano teke blau mana na thono mamahe fara. Nu ke leghu na, gano igne ginauna thono diꞌa fara jateula nusu eghu ka foflo na.

Proveb 23:27

Gaꞌase vine na khora mala snoꞌo tagna. Eghuteuna gaꞌase te mala eni puhi te diꞌa na jateula kaisei glave mamhara eghu.

Proveb 27:13

Jame kaisei mae nhaꞌa cheke mala foli falehe nogna kaoni mae phosa na, te theome leghuni mana nogna nhaꞌa cheke na, iagho atha nogna pohe mana na ghilei ke eni mana nogna nhaꞌa cheke na.

Proveb 5:3

Foflogna gaꞌase te magnahaghei eni puhi te diꞌa na mamahe jateula suka eghu, eghuteuna kisigna na famane fara.

Proveb 6:1

Thuguo, jame nhaꞌa cheke iagho te mala foli falehe nogna kaoni teke eni mae te theome laseni iagho na, puhi te eni iagho igne theome keli.

Proveb 7:10

Gaꞌase igne lalaoni jateula thau vine eghu. Naꞌa jifla mei ne thafoni mana ne cheke famaemaheni mana.

Proveb 7:5

Eghuteuna jame khetogna keha mae na magnahaghei famaemahe nigho iagho mala thuru balugna, gaoghatho te keli na ginauna bara nigho, eghuteuna iagho na theome leghuni nogna cheke naꞌa na.