Proveb 20:15 - Buka Blahi Ka Cheke Holo

¹⁵ Nogna cheke mae te fodu ka gaoghatho te keli na uludi fara gol, buli nei daemon.

Proveb 20:15 Iomraidhean Croise

Proveb 15:23

Mae te tufa gaoghatho te keli ka keha mae na thofno keli fara. Eghuteuna famane cheke ka thofno naranegna na, thofno glepo keli fara.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Proveb 16:16

Famane gaoghatho te keli balugna glalase na, thofno keli fara salaꞌudi gol ghe silva.

Proveb 16:21

Mae te autagna gaoghatho te keli na, naiknore laseni mae igne autagna gaoghatho te keli. Eghuteuna naiknore magnahaghei fara te fanomho ka nogna cheke mana re.

Proveb 16:24

Cheke te keli na famane mamahe jateula jurukuli eghu. Cheke igre farerheta nakarhadi naiknore.

Proveb 20:14

Kate foli mana kaisei glepo na, mana na khuru cheke fara gna glepo te haghe fara igne. Nu kate folini na, mana ne cheke fahaehagheni fara eigna glepo igne ka mae kheragnare naugna ne pari fara foli gna na.

Proveb 20:16

Jame kaisei mae nhaꞌa cheke mala foli falehe nogna kaoni mae phosa na, te theome leghuni mana nogna nhaꞌa cheke na, iagho atha nogna pohe mana na ghilei ke eni mana nogna nhaꞌa cheke na.

Proveb 25:12

Nogna cheke te rheta mae te autagna gaoghatho te keli te cheke ka mae te lase fanomho na, famane fara jateula famane ring gol nei chen eghu.

Proveb 3:15

Gaoghatho te keli na thofno keli fara uludi buli ghe daemon, theo kaisei glepo te magnahagheni fara iagho na te tangomana te uluni na.

Proveb 5:2

Eghuteuna te fanomho iagho ka iara na, iagho ginauna tangomana te leghuni gaoghatho te keli na, eghuteuna nou cheke iagho re ginauna fakakhana te lalase iagho na.

Proveb 8:10

Ghotilo mala vahini glalase te keli na, naugna nogu cheke iara na keli fara uludi silva ghe gol.

Proveb 8:11

Glalase na thofno keli fara uludi buli ghe daemon, theo kaisei glepo te magnahagheni fara iagho na te uluni na.

Efesus 4:29

Kate cheke na, ghotilo thosei chekeni kaisei cheke te diꞌa. Nu te keli na, chekeni ngala unha te nabagna te mala nomhini naiknore, eghuteuna nomi cheke ghotilo re ginauna tangomana te toghodi naikno te fanomhore.