Proveb 20:11 - Buka Blahi Ka Cheke Holo

¹¹ Neubane sua, unha te edi manare kakhana ka puhigna mana na. Eghuteuna iagho ginauna laseni puhigna mana te keli nei doglo ba theo teuna.

Proveb 20:11 Iomraidhean Croise

Fapea Kronikols 34:3

Ka fahana finogha Josia te king kate mae sitei fara nga teuna, mana ne funu tarai ka nogna God kuꞌegna King Devet. Eghuteuna ka fabotho phei finogha na, mana ne funu fagagae Jerusalem ghe Juda mala klino ka tathagna Lord. Mana ne goigoni fahui nodi vido blahi mae bongihehe re, nei hata koko mumuju gna god gaꞌase Asera nei keha mumuju langau eghu.

Nodi Khoje Hatimare Mae Jiu 51:5

Uve, iagho lase ghauhi iara, iara neke kulu naikno diꞌa neke mei ngala funu karhagu. Puhigu iara na kulu diꞌa neke mei ngala funu ka narane teke theome karha nga teku iara na.

Nodi Khoje Hatimare Mae Jiu 58:3

Naikno te diꞌare neke tapla jafra fabrahu neke mei ngala funu tifa kani au teku ka thiꞌadi idodire, mare neke cheke chaichaghi neke mei ngala funu karha meidi.

Proveb 20:12

Lord tusu ranghi ghita tatha mala fifilo, eghuteuna khuli mala fanomho.

Proveb 21:8

Puhigna mae te diꞌa na chaichaghi. Puhigna naikno te keli na doglo.

Proveb 22:15

Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Matiu 7:16

Ghotilo ginauna filo glanidi nafnata naikno igre ka glepo te edi mare re. Naugna tahati theome tangomana te filo deni kaisei sisi khebu kau gnarho fifiriulu, ba sisi khoilo kau gaju nolahi.

Luku 1:15

Naugna ginauna mana na kaisei mae nafnakno ka tathagna Lord na. Eghuteuna mana na theome koꞌu waen ba unha nafnata khoꞌu te nheta fara. Nu funu ka karhagna na, mana na fodu ka Tharunga te Blahi.

Luku 1:66

Naikno te nomhidi glepo igre, ne hirodi u gaoghathodi cheke igre ne cheke eghu, “U sua igne ginauna na faꞌunha si gnea?” Mare ne cheke eghu naugna mare laseni nogna nolaghi God na au ka mana.