Proveb 2:9 - Buka Blahi Ka Cheke Holo

⁹ Fanomho mei ka iara, eghuteuna iagho ginauna laseni unha te keli nei doglo teuna, nei unha te doglo te mala eni na.

Proveb 2:9 Iomraidhean Croise

Nodi Khoje Hatimare Mae Jiu 119:105

Nou cheke iagho tuare jateula juta eghu mala batu ghau iara tei ka nabrou te doglo, ba jateula naphae te batu fakeli ghau iara ka nabrou te keli ra eghu.

Nodi Khoje Hatimare Mae Jiu 119:99

Tutuani, iara ghathodi fabrahu nou cheke iagho re, eghume iara atha gaoghatho te keli fara uludi nodi gaoghatho mae nogu velepuhi re.

Nodi Khoje Hatimare Mae Jiu 25:12

Lord, ihei te leghudi nou cheke iagho re, iagho ginauna falalase ka mana nabrou te keli te mala leghuni mana na.

Nodi Khoje Hatimare Mae Jiu 32:8

Lord ne cheke eghu, “Iara ginauna na farirhiu ka iagho puhi te keli te mala leghuni iagho na. Iara ginauna na tusu ari gaoghatho te keli ka iagho eghuteuna iara na reireghi nigho iagho.

Proveb 28:5

Ihei te eni puhi te diꞌa na, theome laseni puhi te doglo na. Nu ihei te ghatho tahuni Lord na, thofno laseni puhi te doglo na.

Proveb 4:12

Jame te leghuni iagho nabrou igne na, ginauna na theo kaisei glepo nate fanogra nigho iagho na. Eghuteuna iagho ginauna na theome uka pari.

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Proveb 8:20

Leuleghu fata na iara leghuni puhi te keli na, eghuteuna eni kolho unha te doglo na.

Profet Isaia 35:8

Kaisei nabrou biꞌo ginauna au ka namono igne, eghuteuna mare ginauna kiloni nabrou igne, nogna Nabrou Blahi Lord. Naikno te diꞌa nei naikno te fameomekro teu ra, ginauna theome leghuni nabrou igne, nu iheire te leghuni kolho puhi te keli na nate tangomana te leghuni nogna Nabrou Blahi Lord.

Profet Isaia 48:17

Lord nodi God te blahi mae Israel, God mae ihei teke fakarhi ghami ghotilo igne ne cheke eghu, “Iara Lord, nomi God ghotilo. Iara na farirhiu ghami ghotilo mala naikno keli. Eghuteuna iara na batu ghami ghotilo ka nabrou aheva te mala leghuni ghotilo na.

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.