Proveb 2:7 - Buka Blahi Ka Cheke Holo

⁷ Mana tangomana te toghodi gaoghathodi naikno te doglo re, eghuteuna reireghidi naikno te leghuni unha te tutuani na.

Proveb 2:7 Iomraidhean Croise

Thoutonu Eigna Mae Job 28:8

Lion nei keha glepo te tautagu langau teu igre theome tangomana te leghuni nabrou igne.

Nodi Khoje Hatimare Mae Jiu 144:2

Mana ngala te baubatu ghau nei reireghi ghau teu iara na. Uve, mana ngala te mala fakarhi ghau nei nogu vido mala poru la ngau teu iara na. Iara na tei au fakeli ka mana, naugna iara ne au nogu grouronu biꞌo ka mana. Manau ngala te tusu mei nolaghi ka iara na te mala funei frunidi iara naiknodi keha kantri gre.

Nodi Khoje Hatimare Mae Jiu 3:4

Lord, kate au teu iagho ka thogele te blahi na, iara neke tore ari ka iagho. Eghuteuna iagho neke nomhi meidi nogu tharai iara gre neke togho ghau iara.

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Proveb 14:8

Mae te autagna gaoghatho fakeli na, mana laseni unha te eni na. Nu mae te theome autagna gaoghatho fakeli na, mana batu fadiꞌani kolho thegna, naugna gaoghathogna mana na theome doglo.

Proveb 28:18

Ihei te leghuni puhi te doglo na, ginauna au fakeli. Nu ihei te leghuni puhi te diꞌa na, mana ginauna au papara.

Proveb 30:5

“Chekegna God na thofno tutuani fara. Mana tangomana te bara fothidi iheire te mei hiro vido mala poru ka mana na.

Proveb 8:14

Iara tangomana te tusu lao gaoghatho te keli ka naiknore, eghuteuna iara tangomana te toghodi mare te mala eni gloku te keli na. Iara ngala gaoghatho te keli na, nei nolaghi te biꞌo na.

Ululahu Korin 1:19

Jateula te chekeni ka grioriso te blahi na cheke eghu, “Iara ginauna fahuidi nodi glalase mae iheire te lalase fara, eghuteuna rorhoꞌe nodi glalasere mala theome tangomana mare te lalase na.”

Ululahu Korin 1:24

Nu tahati naikno teke kilo ghita God ra, neubane mae Jiu ba theome Jiu, tahati laseni u thoutonu eigna Kraes igne, falalase ranghi ghita God te nolaghi nei lalase fara.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Kolose 2:3

Eghuteuna mae Kraes ne tothora ranghidi naikno te gnafare nogna gaoghatho te keli nei glalase eghu God teke au poru funu tifa.