Proveb 2:6 - Buka Blahi Ka Cheke Holo

⁶ Naugna, Lord ngala nafugna gaoghatho te keli na, eghuteuna chekegna na tusu ranghi nigho u glalase.

Proveb 2:6 Iomraidhean Croise

Ululahu Kings 10:24

Eghuteuna kmana naikno ka nauthoglu igne magnahaghei te mei fanomho ka nogna gaoghatho te keli te tusu lao God ka mana.

Ululahu Kings 3:12

Eghume, iara ginauna eni unha te toreni iagho na. Iara ginauna tusu ranghi nigho kmana gaoghatho te keli nei glalase eghu uludi iheire teke kulu karha ka iagho nei iheire nate karha mei ke leghumu iagho.

Ululahu Kings 3:9

Eghume tusu ranghi ghau gaoghatho te keli nei glalase eghu mala tangomana iara te funei frunidi nou naikno iagho igre ka puhi te doglo. Eghuteuna mala filo glanidi iara unha te doglo, nei unha te jafra. Jame te theo na, iara na theome laseni te mala funei frunidi naikno igre.”

Ululahu Kings 4:29

King Solomon au tagna gaoghatho te keli teke tusu ranghini God. Gaoghatho te keli nei glalase teu igre thono biꞌo fara, jateula nusu ka geri thongna ra eghu theome tangomana te kahadire.

Ululahu Kronikols 22:12

Iara magnahagheini Lord te tusu ranghi nigho gaoghatho te keli nei glalase, mala tangomana iagho te lasedi gobigna lepo te mala funei fruni Israel. Ka puhi igre, iagho ginauna tangomana te leghudi nogna vetula Lord noda God.

Esra 7:25

“Iagho ghema Esra, loku ka famane gaoghatho te keli teke tusu ranghi nigho nou God na mala vavahi mae funei nei mae mala fate mala tangomana mare te fate ka puhi te doglo. Naikno te au ka provins ke mosu Khoꞌu biꞌo Iufretis igre mare leghudi nogna Vetula nou God iagho na. Eghuteuna jame ihei te theome lasedi Vetula igre na, te keli na, iagho mala farirhiudi.

Nehemaea 7:5

Naugna igne God neke tusu mei kaisei gaoghatho ka iara mala kilo meidi mae biꞌo baludi mae iheire te baubatu, nei keha naikno langau eghu mala rioriso nanghadire ka buka. Kate magnahaghei eni iara igne, iara ne filoni kaisei buka te au nanghadi tothoghei ulu lahu te jifla Babilonia teke pulo mei Juda. Igne unha te filoni iara te rioriso ka buka igne na:

Thoutonu Eigna Mae Job 12:13

“Nu God kolho te au glalase te tutuani nei nolaghi teuna. Eghuteuna mana lalase fara nei ghaoghatho fakeli.

Thoutonu Eigna Mae Job 12:16

Uve, God na nheta fara, eghuteuna mana uludi fabrahu nogna naokare. Neuba mae te chaichaghi na, ba mae ihei te fatutuani ni chaichaghi na, phiamare te gnafa na lamna ka khamegna mana.

Thoutonu Eigna Mae Job 22:22

Iagho mala leghudi glepo te farirhiu mana re, eghuteuna iagho mala ghathodi fabrahu nogna cheke mana re.

Thoutonu Eigna Mae Job 32:8

Theome mae biꞌo kolho te au gaoghatho te keli na, eghuteuna theome mae biꞌo kolho te laseni unha te doglo na. Tharunga te Blahi nogna God mae ihei te au nolaghi fateote'o igne, te tusu ranghini mana gaoghatho te keli nei glalase teuna.

Nodi Khoje Hatimare Mae Jiu 119:104

Chekemu iagho re ngala te thono doglo fara ka gaoghathogu iara na. Eghume iara theome magnahaghedi puhi te chaichaghi re.

Nodi Khoje Hatimare Mae Jiu 119:34

Togho ghau mala lase fakelidi iara nou farirhiu iagho gre, aonu iara ginauna leghudi nou farirhiu gre ka nakarhagu fateote'o na.

Nodi Khoje Hatimare Mae Jiu 119:98

Nou cheke iagho ra au fabrahu ka iara nei tusu mei gaoghatho te keli ka iara. Eghume, gaoghathogu iara re uludi fara nodi gaoghatho nogu naoka re.

Nodi Khoje Hatimare Mae Jiu 19:7

Nogna vetula Lord na thofno doglo fara, eghuteuna tangomana te tusu mei nakarha majaghani ka tahati. Tahati tangomana te fatutuanidi nogna cheke mana re. Eghuteuna nogna cheke mana igre tangomana te tusu lao gaoghatho te keli ka iheire te theome lalase.

Nodi Khoje Hatimare Mae Jiu 19:8

Tutuani, nogna vetula Lord na thofno doglo fara. Eghuteuna iheire te leghudi nogna farirhiu mana re thofno keli tadi fara. Nogna vetula Lord na thofno tutuani fara, eghuteuna tusu mei gaoghatho te keli ka tahati.

Nodi Khoje Hatimare Mae Jiu 51:6

Iagho magnahagheni fara naikno te cheke kate tutuani na. Eghume, iara magnahaghei nigho iagho te fafodu mei gaoghatho te keli ka iara.

Nodi Khoje Hatimare Mae Jiu 94:10

Mana ngala te paradi naiknodi kantri igre! Ba? Na theome para ghami mana neu si ghotilo ia? Mana ngala te mala farirhiudi naiknore! Ba? Ne theome laseni kaisei glepo mana neu si ghotilo ia?

Eksodas 31:3

Iara ne snakreni Tharunga te Blahi na ne fodu ka mae Besalel eghuteuna tusu lao glalase ka mana mala tangomana mana te edi kmana gloku te keli.

Proveb 6:23

Chekedi idomu kmamu are jateula kaisei juta eghu mala fadoglini nakarhamu iagho na.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Profet Isaia 54:13

Iara Lord ginauna farirhiu ghami ghotilo, eghuteuna tusu ari nakarha te keli nei pharikeli eghu ka ghotilo.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Profet Daniel 1:17

God ne tusu lao glalase te keli ka fati mae majaghani igre. Mae igre lase iu'iju nei rioriso eghu ka buka, eghuteuna nodi cheke re thofno keli fara. Aonu God jaola ne tusu lao glalase ka mae Daniel mala rurutha mifi.

Profet Daniel 2:21

God na funei frunidi narane, nei naprai, nei nakhete. Mana tusu lao nolaghi ka hatimare mae king, eghuteuna mana jaola hata koko nolaghi na ka mare. Mana ngala te tusu lao gaoghatho te keli nei glalase biꞌo teu ka naikno na.

Profet Daniel 2:23

Iagho nodi God mae kuꞌegu iara ra. Iara kilo fnakno nigho nei cheke fakeli nigho! Iagho tusu mei glalase nei nolaghi eghu ka iara. Iagho nomhidihi nomi tharai ghehati igre, eghuteuna iagho falalasehi ka ghehati gaoghathogna nogna mifi mae king igne.”

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Jone 6:45

U cheke teke risodi hatimare mae profet tifa ra cheke eghu, ‘God ginauna kafe farirhiudi naiknore.’ Ihei te nomhini chekegna mae Mama na eghuteuna leghuni teuna, mana na mei ka iara.

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.