Proveb 2:3 - Buka Blahi Ka Cheke Holo

³ Iagho mala toreni gaoghatho te keli na nei lalase na eghu mala mei ka iagho, jateula iagho te ehani kaisei mae te mala mei togho nigho ra eghu.

Proveb 2:3 Iomraidhean Croise

Ululahu Kronikols 22:12

Iara magnahagheini Lord te tusu ranghi nigho gaoghatho te keli nei glalase, mala tangomana iagho te lasedi gobigna lepo te mala funei fruni Israel. Ka puhi igre, iagho ginauna tangomana te leghudi nogna vetula Lord noda God.

Nodi Khoje Hatimare Mae Jiu 119:125

Tusu mei glalase ka iara nou mae gloku gne, mala lase fakelidi iara nou farirhiure.

Nodi Khoje Hatimare Mae Jiu 119:169

Lord God, fanomho mei sagho ka nogu tharai iara gre. Tusu mei glalase ka iara jateula teke nhaꞌa chekeni iagho ia eghu.

Nodi Khoje Hatimare Mae Jiu 119:34

Togho ghau mala lase fakelidi iara nou farirhiu iagho gre, aonu iara ginauna leghudi nou farirhiu gre ka nakarhagu fateote'o na.

Nodi Khoje Hatimare Mae Jiu 119:73

Lord God, iagho neke vuavuha ghau iara neke reireghi fakelini nakarhagu iara na. Togho ghau iara sagho mala laseni iara nou cheke iagho na.

Proveb 2:2

Iagho mala fanomho ka famane cheke igre eghuteuna fariuriu mala hata glalase.

Proveb 2:4

Iagho loku heta mala hiro deni gaoghatho te keli na nei glalase na, jateula mae te loku heta te hironi sileni teke pophoru mare lamna glose ia eghu.

Proveb 3:6

Ghathoni Lord ka gobigna lepo fateote'o, eghuteuna mana ginauna fadoglini nou nabrou iagho na.

Proveb 4:1

Goro sua! Fanomho fakeli ka nogu farirhiu iara igne, eghuteuna ghotilo ginauna hata gaoghatho te keli.

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Luku 11:13

Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume te eghu na, mae Kmami ghotilo te au kligna na mana ginauna na tusu lao Tharunga te Blahi na ka iheire te tore ka mana.”

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.