Proveb 2:22 - Buka Blahi Ka Cheke Holo

²² Nu God ginauna khidi nei koko fajifladi eghu naikno te diꞌa nei mae te diꞌa fateote'o ka namonodi re.

Proveb 2:22 Iomraidhean Croise

Ululahu Kings 14:14

“Lord ginauna vahini kaisei mae mala king gna Israel. Eghuteuna king igne ginauna fagnafani tharaknagna King Jeroboam. Uve, gognaro na glepo igre la thofno thoke mei tutuani.

Ululahu Kronikols 10:13

King Sol ne lehe naugna mana ne theome ghatho tahuni Lord, eghuteuna mana neke theome leghudi nogna cheke mana re. Eghuteuna mana neke theome toreni Lord mala toghoni, nu mana tei toreni kaisei naikno biꞌo ihei tangomana te facheke ka tharungadi naikno tela lehehira. Eghume Lord neke faleheni mana, eghuteuna Lord neke vahini mae Devet thugna Jesi mala king tughuni mana.

Thoutonu Eigna Mae Job 21:30

Thoutonu na eghu agne: Ka narane te diꞌatagna God te paradi naiknore, puhi biꞌo theome thokedi naikno te diꞌa re.

Nodi Khoje Hatimare Mae Jiu 104:35

Jame te keli na mana goigonidi mala theo nafudi kolho naikno te diꞌa ka nauthoglu igne, mala theo ngala kaisei naikno ka mare te karha na. Iara magnahaghei fara te kilo fnaknoni Lord fabrahu! Uve, iara mala kilo fnaknoni mana!

Nodi Khoje Hatimare Mae Jiu 145:20

Mana ginauna na roꞌe fahuidi naikno te diꞌare, nu mana na reireghidi iheire te namhani mana re.

Nodi Khoje Hatimare Mae Jiu 37:20

Nu naikno te diꞌa na ginauna lehe. Nogna naoka Lord na ginauna dofidi jateula chechenge gaju eghu. Tutuani fara, mana ginauna jateula gagahu khaꞌaghi eghu kolho dofidi aheva te tei na.

Nodi Khoje Hatimare Mae Jiu 37:22

Iheire Lord te fablahidire ginauna atha vido glose teke nhaꞌa cheke mana ranghidire. Nu iheire te diꞌatagnadi Lord naugna te leghuni mare puhi te diꞌa na, mana ginau brue fajifladi.

Nodi Khoje Hatimare Mae Jiu 37:28

Lord na magnahagheni fara puhi te doglo na. Mana theome snakredi te lisa laodi nogna naiknore. Leuleghu fata na mana tangomana te baubatu fakeli nogna naiknore mala tei ka nabrou te fadoglo. Nu vikegna mae te diꞌa na mana ginauna brue fajifladi mala tei au delei.

Nodi Khoje Hatimare Mae Jiu 52:5

Nu God ginauna na tapla soru nigho mala theome tangomana iagho teke kegra haghe na. Mana ginauna na loku famaku nigho, nei na khi fajifla nigho ka nou suga na. Eghuteuna mana ginauna na koko soru nigho kau namonodi iheire te au ka glehe ra.

Proveb 10:30

Theo kaisei naikno tangomana te hata fajifladi naikno te doglore ka nodi namono na. Nu naikno te diꞌare ginauna theo nodi namono.

Proveb 11:3

Naikno te doglo na leghuni kolho puhi te doglo na. Nu naikno te chaichaghi na goigonini thegna ka puhi te chaichaghi na.

Diutronomi 29:20

Lord ginauna theome tangomana nate hata fadelei nakhibogna nafnata mae igne. Diꞌa tagna Lord na ginauna mei ka mae igne jateula kaisei khaꞌaghi eghu. Eghuteuna thibri te gnafa teke rioriso mare ka Buka vetula igre ginauna soru ke kligna gna mana, eghuteuna Lord ginauna ghiha koko nanghagna mana na mala theome tangomana kaisei naikno ka nauthoglu igne nate ghathoni mana na.

Diutronomi 29:28

Lord ne thofno diꞌatagna fara, aonu mana brue fajifladi ka nodi namono re jateula ihei te rathu koko buburu te diꞌa re ka nogna nagare na ia eghu. Eghuteuna koko teidi ka keha kantri delei, aheva te au teu mare tela ghilei mei posa ka narane gognaro gre!’

Diutronomi 7:22

Lord nomi God ghotilo igne ginauna ngolhi fajifladi mare ka puhi te theome faghose fara. Eghume ghotilo theome tangomana aknu falehedi mare kaisei fata kolho na, naugna jame te eni ghotilo igne na, glepo tautagu te au ka vido tuana ginauna kmana fara eghuteuna glepo igre tangomana te goigoni ghami ghotilo na.