Proveb 2:17 - Buka Blahi Ka Cheke Holo

¹⁷ Nafnata gaꞌase igne kokohi khetogna teke tolaghi kani teke majaghani na. Eghuteuna naꞌa theome ghathoni nhaꞌa cheke teke eni ke ulugna God igne.

Proveb 2:17 Iomraidhean Croise

Jenesis 2:24

Eghume mae nalhaꞌu na mala jifla kokodi idogna kmagna re mala au fodu balugna khetogna na. Naugna igne repa mala theome jateula phei naikno eghu, nu repa mala jateula kaisei naikno eghu kolho.

Proveb 5:18

Thofno keli fara te magnahagheni fara iagho thinigna khetomu teke kulu tolaghi iagho na.

Profet Jeremaea 3:4

Eghuteuna gognarona ghotilo eha eghu ka iara, ‘Mama! Funu ka narane teke karhami na tela ghilei mei posa ka narane gognaro gne, iagho neke namha ghami fara ghehati!

Profet Esikiel 16:8

Aonu iara neke tei salaꞌu keha fata na, kate filo nigho na, iagho biꞌo fara naba tolaghihi. Aonu, iara toku tafru thinimu iagho te soesole na ka nogu pohe brahu na, eghuteuna iara ne eni kaisei nhaꞌa cheke te rheta mala namha nigho iagho. Nogu nhaꞌa cheke te mala tolaghi nigho iagho na, iagho mala khetogu iara. Igne nogna cheke Lord.