Proveb 2:16 - Buka Blahi Ka Cheke Holo

¹⁶ Jame khetogna keha mae na cheke famaemahe ka iagho, gaoghatho te keli na ginauna bara nigho, eghuteuna iagho ginauna theome leghuni nogna cheke gaꞌase igne.

Proveb 2:16 Iomraidhean Croise

Proveb 22:14

Gaꞌase te mala eni puhi te diꞌa na lase cheke famaemahe ka mae nalhaꞌu na, eghuteuna nogna cheke naꞌa igne jateula kaisei glave mamhara eghu. Nu Lord ginauna diꞌatagna fara ka mae ihei te fanomho ka cheke famaemahe igne te uka ka glave mamhara igne.

Proveb 23:27

Gaꞌase vine na khora mala snoꞌo tagna. Eghuteuna gaꞌase te mala eni puhi te diꞌa na jateula kaisei glave mamhara eghu.

Proveb 26:28

Mae te chaghi na tirognadi naikno te goigonini re. Cheke te mamahe na goigonidi gobigna lepore.

Proveb 29:5

Mae ihei te chaghini nei famaemaheni teu mae kheragna fofodu na, mana jateula te lilisei phighoro mala fakhaleni mae kheragna fofodu na tura eghu.

Proveb 6:24

Nodi cheke repa igre ginauna togho nigho iagho mala theome fanomho ka nogna cheke famaemahe khetogna keha mae na. Eghuteuna lhoti nigho iagho mala thosei tei iagho ka gaꞌase te magnahaghei eni ghopa puhi te diꞌa na.

Eklesiasti 7:26

Unha te filoni iara na igne, kaisei glepo te haimini iara te diꞌanagnafani iara na uluni glehe na, nafnata gaꞌase te jateula kaisei phighoro teu igne, eghuteuna khamegna na tangomana te loku famaku ka iagho jateula kaisei chen eghu. Ihei te leghuni God na tangomana te rikha na, nu naikno te diꞌa na ginauna khale ka phighoro.

Jajis 14:17

Aonu gaꞌase igne ne tanhi fabrahu ka mana ne ghilei thokeni fafitugna narane gaghamu igne. Eghuteuna naugna te tanhi fabrahu fara naꞌa igne, eghuteuna naꞌa toreni mana fabrahu kmana fata teu igne, ka fafitu narane na Samson ne cheke thakleni gaoghathogna grougromu igne ka naꞌa. Eghuteuna naꞌa tei ne cheke ka kheragna re.