Proveb 2:13 - Buka Blahi Ka Cheke Holo

¹³ Nafnata naikno igre la snivihi, eghuteuna gognarona auhi kate romno.

Proveb 2:13 Iomraidhean Croise

Nodi Khoje Hatimare Mae Jiu 14:3

Nu theo fara. Mare la snivihi ka nabrou te keli na. Mare kaisei nanaba ngala la kafe diꞌa fara tutuani. Theo kaisei naikno te eni puhi te keli na. Theo fara.

Nodi Khoje Hatimare Mae Jiu 36:3

Leuleghu fata na mae igne cheke diꞌa nei chaichaghi eghu koba ka keha naiknore. Mana theo kaisei gaoghatho te keli te mala eni puhi te doglo na.

Nodi Khoje Hatimare Mae Jiu 82:5

“Ghotilo thono fameomekro fara! Ghotilo theome laseni kaisei glepo! Puhimi ghotilore thofno diꞌa parilahu. Gognarona gobigna lepo te edi ghotilo kau nauthoglu igne theome doglo kolho.

Proveb 21:16

Mae te snivi ka nabrou te mala hata gaoghatho te keli na, ginauna tei au baludi naikno teke lehe tifa ra.

Proveb 4:19

Nu puhigna naikno te diꞌa na jateula grughu eghu, mana theome laseni kolho unha te faꞌukani mana na.

Profet Isaia 59:8

Ghotilo theome laseni puhi eigna pharikeli na, eghuteuna ghotilo theome leghuni puhi te doglo te mala fateni naikno na. Eghume, ihei te theome leghuni puhi te doglo igne na, ginauna theome au ka pharikeli.

Profet Esikiel 18:26

Jame kaisei mae te doglo mana tirognani puhi te doglo na eghuteuna mana tapla jafra koba ka nakhibo, mana ginauna mala lehe ka unha glepo te diꞌa te edi mana re.

Profet Sefanaea 1:6

Iara ginauna paradi naikno te figri tagru ghau, nei tirodi leghu ghau, nei tirodi mei mala toghodi, nei mala saghe leghudi eghu iara.”

Jone 1:6

Ulu lahu na God neke kuru meini kaisei mae te kiloi Jone Apublahi.

Jone 12:35

Mae Jisas ne cheke eghu ka mare, “Gognarona naphae na ginauna au balumi ghotilo katha vido. Eghume te keli na ghotilo nonolo kani au ngau naphae na. Eghuteuna gromno na ginauna theome tangomana te mei ka ghotilo na. Mae ihei te nonolo kate romno na, mana na theome laseni nabrou na.

Letas Teke Riso Tei Mae Pol Ka Khiloau Rom 1:21

Mare lasenihi God, nu mare theome ghatho tahuni nei theome cheke fakelini eghu mana. Unha teke ghathodi mare re theo nafudi kolho, eghuteuna nagnafadire thofno jafra fara.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.