Proveb 2:12 - Buka Blahi Ka Cheke Holo

¹² Uve, gaoghatho te keli na ginauna fakarhi nigho ka naikno te diꞌa re, nei ka naikno te cheke diꞌa.

Proveb 2:12 Iomraidhean Croise

Nodi Khoje Hatimare Mae Jiu 101:4

Iara ginauna theome leghudi puhi te chaichaghire, nei iara ginauna theome au baludi naikno te diꞌare.

Nodi Khoje Hatimare Mae Jiu 141:4

Togho mei ghau mala theome edi iara glepo te diꞌa gre, nei togho ghau mala theome fofodu iara ka naikno te diꞌa puhidi gre. Uve, togho ghau iara sagho mala theome ghamu iara ka gano te fafara mae bongihehe gre ka nodi mumuju god re.

Proveb 10:32

Naikno te doglo na, cheke fadoglo. Nu naikno te diꞌa na tangomana te cheke chaghi fabrahu na.

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Proveb 23:33

Tathamu iagho are ginauna filodi thua nafnata glepo, eghuteuna gaoghathomu iagho na ginauna ghathodi thua nafnata glepo te diꞌa.

Proveb 28:26

Mae te ronuni nogna gaoghatho thegna na, mana mae fameomekro kolho. Nu mae te rouronu ka gaoghatho te keli na ginauna au fakeli.

Proveb 3:32

Naugna Lord na theome magnahaghedi naikno te diꞌa re. Nu mana rouronudi mae te doglo re, eghuteuna cheke fajiflani gaoghathogna na ka mare.

Proveb 6:12

Naikno te diꞌa re chaghi tafridi naiknore.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Proveb 9:6

Lilisei puhimi te fameomekro are leghuni puhi te doglo na, ghotilo ginauna hatini u nakarha na.”

Mae Khuru 20:30

Jaola keha ka ghotilo themi ginauna toutonu chaichaghi ka naikno khiloau re mala leghudi thedi kolho.

Ululahu Korin 15:33

Thosei snakredi naiknore mala chaghi ghami eigna karha fapulo na. Eigna ghotilo lasenihi u cheke igne, “Jame te kaisei ghotilo baludi naikno te diꞌare, mare ginauna fadidiꞌa puhimi ghotilo te kelire.”

Fapea Korin 6:17

Naugna igne Lord ne cheke eghu, “Lisa laodi naikno tuare, eghuteuna ghotilo mala au fadelei ka mare. Ghotilo mala thosei haboni kaisei glepo te thona ka tathagu iara na. Jame te leghuni ghotilo igne na, iara ginauna gleale'a mala hata ghami ghotilo.”