Proveb 19:7 - Buka Blahi Ka Cheke Holo

⁷ Thabusigna mae te kuma re tirodini mana. Eghuteuna kheragnare jaola tirodini mana. Neuba mana ne hirodi mare mala toghoni, theome tangomana te dedi re.

Proveb 19:7 Iomraidhean Croise

Nodi Khoje Hatimare Mae Jiu 38:11

Kheragu nei vikegu teu iara re tirodi te mei namo te filodi thubugu iara re. Tharaknagu thofno iara na jaola tirodi te mei gnokro balugu iara na.

Nodi Khoje Hatimare Mae Jiu 38:12

Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Nodi Khoje Hatimare Mae Jiu 88:18

Iagho neke toghodi mae kheragu fofodu nei mae mala kaisei cheke teu iara re, mare jaola tei koko ghau iara. Gognaro na iara theo kaisei kheragu fofodu, eghume iara khogla ofoniu kolho glehegu na.

Nodi Khoje Hatimare Mae Jiu 88:8

Iagho neke toghodi mae kheragu iara re neke tei koko ghau iara. Uve, iagho neke toghodi mare neke thono tirodi ghau iara. Iagho neke lisa lao ghau iara farihotei hoholo mala theome tangomana iara teke jifla na.

Proveb 10:15

Dedei na bara fakelini mae te dedei na mala au fakeli, jateula taon bara te maku ia eghu. Nu mae te kuma na kmoꞌe ka gobigna lepo, aonu nakarha te ninhigrana na goigonini mana.

Proveb 14:20

Mae te kuma na theo kheragna. Nu mae te dedei na au kmana kheragna.

Proveb 18:23

Mae te kuma na blaknoi cheke ka mae te dedei na mala toghoni. Nu mae te dedei na fnaja fabiꞌo ka mana.

Proveb 19:4

Mae te dedei na au kmana kheragna. Nu mae te kuma na, theo kolho.

Proveb 21:13

Jame te theome fanomho iagho ka naikno te kumare, ginauna na theo kaisei naikno nate fanomho la ka iagho na.

Proveb 27:10

Iagho thosei ghatho ihodi kheramure. Kate thoke mei hoholo na, thosei tei ka vikemure. Naugna kheramu iagho te au balumu teu igre thofno uludi fara vike te au delei are.

Jemes 2:6

Nu ghotilo ne filo faparidi iheire te kumare. Mae iheire igre te edi puhi diꞌa ka ghotilo, te hata ghami ghotilo ka fate na? Naikno te kuma gre? Theo! Naikno te dedei gre!