Proveb 19:28 - Buka Blahi Ka Cheke Holo

²⁸ Jame te facheke mae te diꞌa puhigna na ka fate na, mana ginauna keli tagna te mala cheke chaichaghi na. Foflogna mae te diꞌa na magnahaghei te ghamuni puhi te diꞌa na.

Proveb 19:28 Iomraidhean Croise

Ululahu Kings 16:27

Keha glepo te edi King Omri nei nogna nolaghi biꞌo te mala funei frunidi naiknore, mare neke rioriso soru ka Buka Eidi Glepo Teke Edi Hatimare Mae King Di Israel.

Ululahu Kings 21:10

Ghotilo hata mei phei mae mala vuavuha cheke, phei mae igre mala gnokro rhegna mana mala cheke faparini mana ke uludi hatimare mae biꞌo. Phiamare mala cheke chaghi eigna mana te cheke faparini God nei jaola cheke faparini king. Eghuteuna ghotilo hata fajiflani mana mala fada falehe ka thina.”

Ululahu Kings 21:13

Aonu mare hata ne mei phei mae te mala cheke chaichaghi igre ne gnokro rhegna mana, eghuteuna phiamare ne funu cheke chaghi eigna mana ke uludi hatimare mae biꞌo, ne cheke eghu, “Mae igne cheke faparini God nei jaola cheke faparini king.” Aonu mare hatani mae Nebot ne tei ke kosi namono biꞌo ne fada faleheni mana ka thina.

Thoutonu Eigna Mae Job 15:16

Eghume faꞌunha eghu God tangomana te ronu ghita tahati te thono diꞌa fara, eghuteuna tahati magnahaghei te koꞌuni puhi te diꞌa na.

Thoutonu Eigna Mae Job 34:7

Theo kaisei naikno te jateula Job teuna. Mana magnahaghei te koꞌudi puhi te diꞌa jateula khoꞌu teuna.

Nodi Khoje Hatimare Mae Jiu 10:11

Mae te diꞌa na cheke eghu ka nagnafagna na, “God na theome nanga nognadi puhigu iara re! Mana la dofuhi phei tathagnare! Mana theome tangomana te filo ghau iara na!”

Nodi Khoje Hatimare Mae Jiu 10:5

Nu God, iagho theome fateni kolho mana! Mae te diꞌa igne theome magnahaghei te pari ka nogna chekere. Mana cheke fadiꞌadi nei maꞌedi eghu nogna naokare.

Proveb 15:14

Mae te hiro glalase na, mana loku heta mala atha glalase. Nu mae te theome autagna gaoghatho te keli na, mana lase cheke fameomekro fara.

Proveb 16:27

Mae te diꞌa na magnahaghei te eni puhi te diꞌa na. Eghuteuna nogna cheke re brana jateula khaꞌaghi eghu.

Proveb 19:27

Thuguo, te tirou fanomho iagho ka nogu farirhiu iara igre na, iagho ginauna leghudi puhidi mae te diꞌa re.

Profet Hosia 4:8

Ghotilo magnahaghei te ghamu gano teke fafara naiknore. Eghume ghotilo magnahaghedi fara naiknore te edi kmana najafra, naugna ghotilo ne ghamu biꞌo fara!