Proveb 19:26 - Buka Blahi Ka Cheke Holo

²⁶ Mae ihei te theome keli ranghini kmagna na, eghuteuna kuru fajiflani idogna na ka nogna suga na teuna, mana famamajani fara tharaknagna na.

Proveb 19:26 Iomraidhean Croise

Proveb 10:1

Igre nogna famane cheke king Solomon. Kmagna mae te au tagna gaoghatho te keli na, mana gleale'a fabrahu. Idogna mae te fameomekro na, diꞌanagnafa fabrahu nei tanhi eghu.

Proveb 10:5

Mae te autagna gaoghatho te keli na, mana ginauna dokha bopa ka thofno naranegna na. Nu mae te thuru te theome loku ka narane tuana na, tharaknagna mana na ginauna mamaja nodi fara.

Proveb 17:2

Mae gloku te autagna gaoghatho keli na ginauna funei fruni ni thugna mae funei te diꞌa puhigna. Eghuteuna kate lehe mae funei igne na, mae gloku igne ginauna hata kasa nogna glepo mae funei na.

Proveb 17:25

Sua te fameomekro na, mana fadiꞌa nagnafani fabrahu kmagna na. Eghuteuna fatanhini idogna teke fakarhini na.

Proveb 19:27

Thuguo, te tirou fanomho iagho ka nogu farirhiu iara igre na, iagho ginauna leghudi puhidi mae te diꞌa re.

Proveb 28:14

Mae te ghatho tahuni Lord na, mana ginauna glealeꞌa fara. Nu ihei te patugama na ginauna thokeni puhi biꞌo.

Proveb 28:24

Ihei te blau nodi glepo idogna kmagna re, eghuteuna cheke eghu teuna, “Iara theome eni kaisei puhi te diꞌa.” Mae igne jateula naikno aknu poru eghu.

Proveb 28:7

Goro sua te leghudi unha te cheke ranghidire, mare au gaoghatho te keli fara. Nu sua te fofodu ka mae te diꞌa puhidire famamajadi idogna kmagna re.

Proveb 30:11

“Keha maere cheke fadiꞌadi idodi kmadi re.

Proveb 30:17

“Jame te tirou fanomho iagho ka idomu kmamure, eghuteuna cheke fadiꞌadi repa teuna, gaghata biꞌo ginauna mei biko fajifla phei tathamu iagho re, eghuteuna saroko ginauna ghamu thinimu iagho na.

Luku 15:30

Nu mae thumu iagho igne neke falulhuvu fateo nou sileni iagho re ka naikno vine. Kate ke pulo mei mana ka suga na iagho ke falelehe buluka te blokha malagna mana.’