Proveb 19:25 - Buka Blahi Ka Cheke Holo

²⁵ Te puphuri iagho mae te theome fanomho na, mana ginauna laseni puhi te keli na. Te cheke faheta iagho ka mae te autagna gaoghatho te keli na, nogna glalase mana na ginauna keli salaꞌui.

Proveb 19:25 Iomraidhean Croise

Nodi Khoje Hatimare Mae Jiu 141:5

Keli kolho ka iara jame te mei cheke ghau nei farirhiu ghau teu kaisei mae te keli puhigna na, te mala doglo iara nakarhagu na. Nu iara thono tirogu fara te leghuni kaisei mae te diꞌa puhigna na te mala nogna naikno mana na, naugna leuleghu fata na iara toreni Lord koba mala paradi mana naikno te diꞌa puhidire tuare.

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Proveb 15:5

Sua te fameomekro na theome fanomho ka kmagna na. Nu sua te lalase na fanomho ka kmagna na.

Proveb 17:10

Cheke faheta ka mae te au tagna gaoghatho te keli na ghosei tughu nakarhagna na. Nu naikno te fameomekro na neubane purini kaisei gobi fata, mana theome tangomana te tughu nakarha na.

Proveb 21:11

Te purini mae ihei te maꞌeni naikno na, mae te theome lalase na ginauna hata gaoghatho te keli ka tuana. Te cheke faheta ka mae te autagna gaoghatho te keli na, mana ginauna lalase fara salaꞌui.

Proveb 9:7

Te fadoglini iagho mae te fahaehaghe na, mana ginauna cheke fadiꞌa nigho iagho. Eghuteuna te cheke faheta iagho ka mae te diꞌa na, mana ginauna tuti nigho iagho.

Diutronomi 13:11

Aonu kate eni iagho igne na, naikno te gnafa Israel igre ginauna nomhini igne na mhaghu nodi fara. Eghume ginauna na theo kaisei ka ghotilo na teke eni puhi te diꞌa igne na.

Diutronomi 21:21

Eghume nabagna na maegna ka namono igne fada faleheni mana ka thina mala ghilei lehe mana. Ka puhi igne, ghotilo ginauna fahuhui puhi te diꞌa igne ke lamnami ghotilo. Aonu kate nomhini igne, naiknodi Israel igre ginauna mhaghu nodi fara.”

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.